Abşeron rayon təhsil müəssisələrində 2016-cı ilin aprel döyüşlərində şəhid olan igidlərimizin ildönümünün xatirəsinə həsr olunmuş silsilə tədbirlər keçirilib.
Bu gün Xırdalan şəhər 5 saylı tam orta məktəbdə keçirilən tədbirə məktəbin rəhbərliyi, müəllim və şagird kolektivi və şəhər ictimaiyyətinin nümayəndələri qatılıblar.
Tədbirdə çıxış edən Xırdalan şəhər 5 saylı tam otra məktəbin direktoru Şahin Yusifov qeyd etdi ki, Aprel döyüşləri xalqımızın tarixinə yeni bir qəhrəmanlıq səlnaməsi yazıb. Düşmənə sarsıdıcı zərbələr vuran aprel döyüşlərində ordumuz gücünü bir daha nümayiş etdirərək hər bir azərbaycanlıya möhtəşəm qələbə sevinci yaşadıblar. Şəhidlik zirvəsinin ən uca bir zirvə olduğunu bildirən qonaqlar onların unudulmayacağını, hər bir vətəndaşımız tərəfindən sevgi ilə xatırlanacağını bildiriblər.