Hər il olduğu kimi bu tədris ilində də Xırdalan şəhər 2 saylı tam orta məktəbdə ənənəvi olaraq fənn aylığı öz işini davam etdirir. Aprelin 25-dən mayın 25-dək məktəbdə Xarici dil fənn aylığı elan edilmişdir. Fənn aylığında sinif otaqları, dəhlizlər şagirdlərin hazırladıqları krossvord, referat, divar qəzetləri, mövzu ilə bağlı rəsm əsərləri və əl işləri ilə bəzədilmişdir. Bu fənn aylığında həmçinin açıq dərslər , dəyirmi masa, müxtəlif əyləncəli tədbirlər keçirilmişdir. Bu müddət ərzində liseyin xarici dil müəllimləri müxtəlif əyəncəli tədbirlər keçirmişlər.
Açıq dərsin mövzusu beynəlxalq səviyyəli ilk rus alimi, ensiklopediyaçı, kimyaçı, fizik, astronom, geoqraf, metallurq, şair, rəssam və tarixçi "Lomonosov Mixail Vasilyeviç " mövzusunda idi.Açıq dərsdə məktəbin direktor müavinləri və bir qrup fənn müəllimləri iştirak edib. Məktəbin rus dili müəllimi Maya Balakişiyeva dərsin motivasiyasını elektron lövhədə nümayiş etdirib və slaydlar vasitəsilə böyük rus aliminin həyat və fəaliyyətinə virtual olaraq səyahət edib, fənlərarası inteqrasiya yaradıb.
7 b sinifi ilə keçirilən açıq dərsdə ətraflı və maraqlı diskusiyalar aparılıb. Mixail Vasilyeviç Lomonosovun haqqında da uşaqlar öz biliklərini müəllimlə paylaşıblar. Şagirdlər qruplar şəklində tədqiqatlar aparıb, tapşırıqları müzakirə edib nəticələri təqdim ediblər.
Dərsindinləmədə iştirak edən müəllimlər açıq dərsin müzakirəsi zamanı müəllimənin qarşısına qoyduğu məqsədə nail olduğunu bildiriblər və 7 b sinfinə gələcək fəaliyyətlərində uğurlar arzulayıblar.
Şamo Əliyev 
