IV İslam Həmrəyliyi Oyunlarının Bakıda təşkili ölkəmizdə İslam həmrəylinin möhkəmləndirilməsi istiqamətində növbəti addımdır. Dünyada İslam həmrəyliyinin gücləndirilməsi Azərbaycanın xarici siyasətinin prioritet məsələlərindən biridir. Müsəlman ölkələri ilə qarşılıqlı mehriban münasibətlər quran ölkəmiz təmsil olunduğu hər bir beynəlxalq təşkilat çərçivəsində də İslam dünyasının maraq və mənafelərini müdafiə edir.
Bu fikirləri Mehdiabad qəsəbəsi 4 saylı məktəbin direktoru, filologiya üzrə elmlər doktoru, əməkdar jurnalist Elnurə Cavzadə “İslam həmrəyliyi gənclərin gözü ilə" mövzusunda keçirilən dəyirmi masada deyib.
Prezident İlham Əliyevin “2017-ci ilin Azərbaycan Respublikasında “İslam Həmrəyliyi İli” elan edilməsi haqqında” 2017-ci il 10 yanvar tarixli Sərəncamını xatırladan direktor diqqətə çatdırıb ki, bu sənəddə Azərbaycanın uzun əsrlərdən bəri İslam sivilizasiyasının əsas mərkəzlərindən biri olduğu bildirilir.
Azərbaycan tolerantlıq mühitinin təşəkkül tapmasına, multikulturalizmin, mədəniyyətlərarası və sivilizasiyalararası dialoqun qurulmasına, İslam dəyərlərinin dünyada təbliğinə böyük töhfələr verib.
Dövlətimizin İslam aləmində qazandığı nüfuz 2009-cu ildə Bakı və 2018-ci ildə Naxçıvan şəhərlərinin “İslam mədəniyyətinin paytaxtı” elan olunmasında öz ifadəsini tapıb. IV İslam Həmrəyliyi Oyunlarının 2017-ci ildə Bakıda keçirilməsi ilə bağlı qərar isə İslam həmrəylinin möhkəmləndirilməsi sahəsində növbəti əməli addımların atılması üçün əlverişli şərait yaradır.
E. Cavadzadə “ İslam həmrəyliyi gənclərin gözü ilə " mövzusunda təşkil edilən tədbirdə müvafiq Sərəncama əsasən keçirildiyini nəzərə çatdırıb.
Beynəlxalq çağırışlar, zorakılıq və terror hadisələrinin yayılması, bu terrorun bəzi beyinlərdə İslamla əlaqələndirilməsi, bu dinə zorakılıq mənbəyi, ekstremizmə sövq edən din kimi baxılması kimi halların fonunda İslam dünyasının bu həmrəyliyə möhtac olduğunu bildirib. O, gənclərin mənəvi inkişafı, milli-mənəvi və ümumbəşəri dəyərlər ruhunda tərbiyə olunması ilə bağlı keçirilən maarifləndirmə tədbirlərinin əhəmiyyətini diqqətə çatdırıb.
Abşeron rayon təhsil şöbəsinin metodisti Səkinə Abbasova 2017-ci ilin ölkəmizdə “İslam Həmrəyliyi İli” elan edilməsini “Multikulturalizm ili”nin məntiqi davamı olduğunu söyləyiblər. S. Abbasova çıxışında qeyd etdi ki, dövlətimizin başçısının müvafiq Sərancamı İslam həmrəyliyinin ölkələr arasında inkişafına və bu birliyin gücləndirilməsinə təkan verəcək.
Azərbaycan xalqının mədəniyyətə, sivilizasiyalararası dialoqa verdiyi önəmin nəticəsində hər bir gənc istənilən kürsüdən məğrurluqla çıxış edə bilir. Bu gün Azərbaycan gəncinin üstün keyfiyyətlərindən biri bütün dinlərə hörmət etməkdir. Bütün dinlərə hörmətlə yanaşan ulu öndər Heydər Əliyev sülhə, əmin-amanlığa böyük önəm verirdi. Bu gün Prezident İlham Əliyev Ulu Öndərin bu siyasətini uğurla davam etdirir.
Abşeron rayon Təhsil şöbəsinin ictimayyətlə əlaqələr üzrə nümayəndsi Aysel Tahirova IV İslam Həmrəyliyi Oyunlarının əhəmiyyətindən danışaraq vurğuladı ki, bu gün respublikamız bütün dünyada tanını möhtəşəm oyunlara ev sahibliyi edən Bakı öz öhdəsinə düşən vəzifəni şərəflə yerinə yetirir. Bu gün hazırlanan tədbirə görə məktəb rəhbərliyinə və müəllim kolektivinə öz təşəkkürünü bildirdi.
Sonra Abşeron informasiya agentliyinin rəhbəri Anar Nağıyev Prezident İlham Əliyev tərəfindən 2017-ci ilin Azərbaycanda “İslam Həmrəyliyi İli” elan edilməsi təsadüfi deyil. Bu, əslində Azərbaycandan İslam dünyasına verilən önəmli mesajdır. Bu günlərdə Bakıda IV Ümumdünya Mədəniyyətlərarası Dialoq Forumu və IV İslam Həmrəyliyi Oyunları keçirilir. Bu ərəfədə Azərbaycanın bütün dünyaya verdiyi İslam həmrəyliyi mesajının nələri, kimləri, hansı məqsədləri ehtiva etdiyini müxtəlif dini konfessiyalara mənsub gənclərlə müzakirə etmək təqdirəlayiqdir. Bu gün İslam dünyası çətin dövr yaşayır – çoxsaylı münaqişələr, terror, radikalizm, məzhəbçilik kimi hallar artır.
Biz bu dəhşət saçan mənzərənin çıxış yolunu həm də həmrəylikdə görürük. İslam həmrəyliyi eyni maraqları yox, eyni dəyərləri bölüşənlərin birliyidir.
A. Nağıyev qeyd etdi ki, dövlətimizin gənclər siyasəti, gənc nəslin ənənəvi dini və milli dəyərlərimiz ruhunda tərbiyə olunması, bu dəyərlərin ümdə prinsipləri haqqında doğru və sağlam mənbələrə əsaslanan biliklərlə təmin olunması barədə danışaraq dəyirmi masanın təşkilinə görə məktəb direktoruna, müəllim və şagirdlərə minətdarlığını bildirdi.
Məktəbin təşkilatçısı Cəmilə Quliyeva, məktəbin müəllimləri Günel Alışlı, Aytəkin Mustafayeva çıxışlarında “İslam dövlətləri ilə Azərbaycanın elm və təhsil sahəsində əməkdaşlığından danışdılar.
Tədbirin sonunda məktəb şagirdlərinin hazırladıqları Fleşmob izləndi. Şagirdlərin səhnəciklərlə çıxışı maraqla qarşılandı. "Molla Nəsrədin və Kəloğlanın sərgüzəştləri" adlı əbədi- bədii kompozisiyası təqdim olundu. Sonda 10 cu sinif şagirdi Fərid Cabbarov "Azərbaycanı sevin" adlı şeri səsləndirdi. IV İslam Həmrəyliyi Oyunları haqqında vodeoslayd göstərildi.
Tədbir çərçivəsində iştirakçılar İslam dəyərlərini əks etdirən rəsim sərgisi ilə tanış olublar.