30 dekabr 2017-ci il tarixdə Güzdək qəsəbə tam orta məktəbdə 31 dekabr - Dünya Azərbaycanlılarının Həmrəyliyi Günü və Yeni il münasibətilə tədbir keçirilib. Məktəbin idman zalında təşkil olunmuş tədbirdə ümumilikdə 500-ə yaxın təhsil işçisi, müəllim, valideyn,qəsəbə sakinləri və şagird iştirak edib.
Bayram şənliyində çıxış edən məktəbin direktoru Qasım Dadaşov toplantı iştirakçılarını Dünya Azərbaycanlılarının Həmrəylik Günü və Yeni ilin gəlişi münasibətilə təbrik edərək, əsası ümummilli liderimiz Heydər Əliyev tərəfindən qoyulmuş və bu gün Prezident İlham Əliyev tərəfindən davam etdirilən bu şərəfli ənənənin gündən-günə daha geniş vüsət aldığını bildirib.
Tədbirdə Abşeron rayon Ağsaqqallar Şurasının sədri Nadir Ağayev Dünya Azərbaycanlılarının Həmrəyliyi Gününün qeyd edilməsində ümummilli lider Heydər Əliyevin xidmətlərini diqqətə çatdırıb.
Heydər Əliyev ideyalarının əhəmiyyətindən danışan N.Ağayev dahi rəhbərin siyasi xəttinin Prezident İlham Əliyev tərəfindən qətiyyətlə davam etdirildiyini vurğulayıb.
Sonra məktəblilər Vətən, torpaq, milli birlik haqqında mahnılar ifa edib, şeirlər söyləyiblər.
Yığıncaqda ilboyu dərslərində fərqlənən şagirdlər Fəxri fərmanla təltif olunub.
Sonda tədbir “Həmrəylik dueti “ilə yekunlaşdırılıb .
Şamo Əliyev
