21 fevral tarixində Xırdalan şəhər 17 nömrəli körpələr evi-uşaq bağçasının məktəbəhazırlıq qrupunda Beynəlxalq Ana dili gününə həsr edilmiş “Bədii təfəkkürün inkişafı” üzrə açıq məşğələ keçirildi.
Bədii nümunələr əsasında tərtib edilmiş məşğələdə tədqiqatı aparmaq üçün qruplarla iş aparılıb. Körpə fidanlar 4 qrupa bölünüb, qrup daxilində lider seçiblər. Qruplara tapşırıq və iş vərəqləri paylanılıb. Məşğələdə uşaqlar onlara verilmiş tapşırıqlar icra edərək , vətənpərvərlik ruhunda böyüdüklərini nümayiş etdiriblər.
Bağçanın uşaqları ilə "açıq məşğələ"ni məktəbəhazırlıq qrupunun tərbiyəçisi Yeganə Hüseyinova apardı.
Bağçanın müdiri Könül İbrahimova bildirdi ki, bədii ədəbiyyat uşağın nitq inkişafına və lüğət ehtiyatının zənginləşdirilməsinə böyük təsir göstərir, onların əqli, mənəvi və estetik tərbiyəsində güclü vasitədir. Məşğələdə uşaqların hərtərəfli inkişafında, şəxsiyyətinin formalaşmasında düzgün seçilmiş bədii nümunələrin əhəmiyyəti böyükdür. Tərbiyəçi bədii əsəri - hekayə, şeir, nağıl və s. seçərkən ilk növbədə onu uşaq üçün əhəmiyyətliliyi cəhətdən dəyərləndirdi. Böyük məktəbəqədər yaşlı uşaqlar bədii əsərlərin məzmununu daha dərindən dərk etdi, həmçinin ədəbi janrları, onların xarakter xüsusiyyətlərini müəyyənləşdirə bildilər.
Daha sonra çıxış edən Abşeron RİH-in əməkdaşı Samirə İsmayılzadə qeyd etdi ki, ana dilimizin zənginliyi, tarixi haqqında geniş çıxış edib.İcra rəsmisi vurğuladı ki, xalqları dil qədər, milli-mənəvi ənənələr qədər, dəyərlər qədər birləşdirən başqa bir vasitə yoxdur. Biz bu vasitədən daim istifadə etməliyik. Azərbaycanlıları birləşdirən milli mənsubiyyətimizdir, tarixi köklərimizdir, milli-mənəvi dəyərlərimizdir, milli mədəniyyətimizdir, şeirlərimiz, mahnılarımız, incəsənətimiz, xalqımıza mənsub olan adət-ənənələrimizdir. Bütün bunları uşaqlarımıza aşılanması missiyası isə olduqca əhəmiyyətlidir.
Sonda bağçanın balaca fidanları Ana dili günü ilə bağlı hazırladıqları proqramla çıxış etdilər.