Xırdalan şəhər 26 saylı körpələr evi-uşaq bağçasında 8 mart Beynəlxalq Qadınlar günüdü münasibətilə tədbir keçirilib. Tədbiri giriş sözü ilə açan bağçanın müdiri Nigar Səfərova bildirib ki, müasir dövrümüzdə Azərbaycan qadını ölkənin ictimai-siyasi həyatında fəal rol oynayan bir varlıqdır: “Azərbaycanın Birinci vitse-prezidenti Mehriban xanım Əliyeva bütün dünyaya sübüt edir ki, Azərbaycan qadını gözəl ana olmaqla bərabər , həm də fəal ictimai xadim ola bilər. Bu gün əbəs yerə deyil ki, respublikamızın bir çox sahələrində çalışanların böyük bir hissəsini qadınlar təşkil edir. Azərbaycan qadını həm həkim, həm müəllim, həm memar, həm dövlət qulluqçusu, həm hərbiçi, həm ictimai-siyasi xadim, həm də qayğıkeş ana, vəfalı həyat yoldaşıdır”.
N.Səfərova Azərbaycan qadınlarının hər birinin ölkə Prezidenti cənab İlham Əliyevin uğurlu siyasəti ətrafında sıx biləşdiyini, Onun yolunda fəaliyyətlərini davam etdirdiyini vurğulayıb. N.Səfərova qeyd edib ki, Abşeron qadını bu gün ölkəmizi beynəlxalq müstəvidə layiqincə təmsil edir: “Bizlər bunu Abşeron rayon İcra Hakimiyyətinin başçısı İradə xanım Gülməmmədovanın fəaliyyətində görməkdəyik. Bu gün hər bir Abşeron qadını İradə xanımın bu fəaliyətindən örnək götürür, vətəninə, dövlətinə layiqli vətəndaş kimi xidmət etməyə çalışır”.
Sonra bağçanın balaca fidanlarının ifasında şeirlər səsləndirildi, maraqlı səhnəciklər nümayiş olundu.
Şamo Əliyev