Xırdalan şəhər 2 nömrəli tam orta məktəbin 6 B sinifinin şagirdləri Bakı Dövlət Universitetinin Biologiya fakultəsinin "Təkamül Təlimi " muzeyinə və Azərbaycan Milli Elmlər Akademiyasının Zoologiya İnstitutunda yaradılmış “Zoologiya” muzeyinə ekskursiya ediblər.
Məktəbin illik fəaliyyət planına uyğun olaraq “Biologiya və Kimya aylığı" çərçivəsində baş tutan ekskursiyada zamanı şagirdlər muzeylərin fəaliyyəti, orada qorunan eksponantlarla tanış olub, öz biliklərini daha da artırıblar.
Məktəbin bialogiya müəlliməsi Xəyalə Mirzəyevanın təşkilatçılığı ilə həyata keçirilən ekskursiyada məktəblilərə Azərbaycanın flora və faunası və təkamül nəzəriyyəsi barədə geniş məlumat verilib.
Şagirdlər böyük marağına və sevincinə səbəb olan gəzinti onlarda müsbət təəssüratlar yaradıb. Məktəblilər ekskursiya zamanı əldə etdikləri bilikləri öz həmyaşıdları ilə də paylaşacaqlarını bildiriblər.
Məlumat üçün bildirək ki, Bakıda zoologiya muzeyi Azərbaycan Respublikası EA Zoologiya İnstitutunda yaradılmışdır (1971). Burada Azərbaycan ərazisində yaşayan onurğasızlar, balıqlar, suda-quruda yaşayanlar, sürünənlər, quşlar və məməlilərin müqəvva və eksponatları saxlanılır. Muzeyin fondundan elmi-tədqiqat, tədris və mədəni-maarif işi üçün istifadə olunur.
