03.05. 2018-ci il tarixində Abşeron rayon, Xırdalan şəhər 25 saylı körpələr evi-uşaq bağçasının məktəbəhazırlıq qrupunda Savad təlimi üzrə açıq məşğələ keçirilib.
Savad təlimi üzrə məşğələni tərbiyəçi Türkay Fərzəliyeva tədris edib. Savad təlimi məşğələsində “«G» səsi və g hərfi” tədris edilib. Məşğələdə uşaqlar tanış olduqları hərflər üzrə tapşırıqlar icra edərək biliklərini nümayiş etdirdilər. Tədqiqatı aparmaq üçün qruplarla iş aparılıb. Körpə fidanlar 4 qrupa bölünüb, qrup daxilində lider seçiblər. Qruplara tapşırıq və iş vərəqləri paylanılıb. Təlimdə həmçinin mövzunun öyrənilməsi üçün motivasiya qurulub, uşaqlara qrup işində “G g” necə tələffüz edilir? “G g” səsi sözün hansı hissəsində işlənilir?, “G g” səsinin hansı xüsusiyyətləri var?, “G g” səsi necə səsdir?, tərkibində “G” səsi olan sözlərin tapıb şəkillərini çəkilməsi üçün düşündürücü suallar verilib.
Qruplar öz işlərini təqdim etdikdən sonra tərbiyəçi müəllim tərəfindən onların işi müzakirə olunub.
Məşğələnin sonunda körpə fidanlar hərbi-vətənpərvərlik mövzusunda şeirlər oxuyub, mahnılar səsləndiriblər.
Sonda çıxış edən bağçanın müdiri Ofelya Mustafayeva "açıq məşğələ"nin yaxşı keçdiyini, aparılan təlim-tərbiyə işinin nəticəsində uşaqların zəruri bilik və məlumatlara yiyələndiklərini, ümumiyyətlə, tədbirin yüksək səviyyədə hazırlandığını, bağçada bir çox istiqamətlərdə müsbət təcrübə toplandığını qeyd edib, pedaqoji kollektivə fəaliyyətində uğurlar arzulayıb.
Qüdrət Məmmədov