Abşeron rayon, Xırdalan şəhər 15 nömrəli körpələr evi-uşaq bağçasında ümummilli lider Heydər Əliyevin anadan olmasının 95-ci ildönümünə həsr olunmuş qruplar arası əyləncəli bilik yarışı keçirilib. Əvvəlçə Dövlət himni səsləndirilib, ulu öndər Heydər Əliyevin xatirəsi birdəqiqəlik sükutla yad olunub.
Tədbiri giriş sözü ilə açan bağçanın müdirəsi Mətanət Novruzova bildirib ki, bu yarış Azərbaycan xalqının ümummilli lideri Heydər Əliyevin irsinin tədqiqi və körpə fidanlar arasında geniş təbliği, uşaqların elmə, maarifləndirici yarışlara marağının artırılması məqsədilə təşkil edilib.
M.Novruzova qeyd edib ki, belə tədbirlərdə uşaqlar yarışın nə demək olduğunu öyrənib, qalibiyyətin zövqünü yaşayırlar. Qalib olmaq üçün çalışırlar, amma zaman – zaman qalibiyyət də var, məğlubiyyət də. Uşaqlar bunların fərqini anlayırlar, hiss edirlər.
Çıxışlardan sonra bağçanın tərbiyəçiləri Yeganə Əliyeva və Yeganə Rzayevanın təşkilatçılığı ilə hazırlanan yarışda bağçanın balaca fidanları 4 qrupa bölünərək müxtəlif estafetlərlə yarışıblar.Bilik yarışmasında bağçanın “Günəş” , “Buta” , “Dənizçilər” və “Ay” komandaları mübarizə aparıblar.
Komandalararası yarış 10 mərhələdə keçirilib.Hər yarış arası bağçanın balaca fidanları hazırladıqları bayram şeirləri və rəqsləri ilə ruhlandırıblar.
Yarışa məktəbəqədər təhsil müəssisənin müdirəsi, bağçanın metodisti və tərbiyəçi məüllimləri hakimlik ediblər. Uşaqlar yarışmada öz məharətlərini göstərərək həm əyləniblər, həm də yeni bilik və bacarıqlar qazanıblar.
Balacaların bilik yarışmasında xüsusi fəallığı və əzimkarlığı hamı tərəfindən rəğbətlə və alqışlarla qarşılanıb. Bir-birindən maraqlı və əyləncəli keçən yarışmada komandaların sonda yekun qiymətləndirilməsi aparılıb. Hakimlər tərəfindən bir ballıq sistem üzrə qiymətləndirilən bilik yarışmasında “Günəş” komandası yarışın qalibi olub.
Sonda yarış iştirakçıları bağçanın müdirəsi M.Novruzova tərəfindən kubok, diplom və qiymətli hədiyəllərlə təltif olunub və birlikdə xatirə şəkli çəkdirilib.
Şamo Əliyev