Tədbirdə Abşeron Rayon İcra Hakimiyyətinin və rayon Təhsil şöbəsinin nümayəndələri də iştirak ediblər
2018-ci il may ayının 28-də müsəlman Şərqində qurulmuş ilk parlamentli respublikanın – Azərbaycan Xalq Cümhuriyyətinin yaranmasının 100 illiyi tamam olur. Bununla əlaqədar olaraq ölkə prezidenti İlham Əliyevin 16 may 2017-ci il Sərəncamında qeyd olunur ki, Azərbaycan Xalq Cümhuriyyətinin yaradılmasının 100 illik yubileyi respublikada dövlət səviyyəsində geniş qeyd edilsin.
Bu çərçivədə Abşeronda keçirilən silsilə tədbirlərdən biri də bu gün Xırdalan şəhər 4 nömrəli tam orta məktəbdə baş tutub. Məktəbin şagirdlərinin ifasında şerlər, rəqslər və özündə milli-mənəvi dəyərləri birləşdirən bədii kompozisiya təqdim edilib.
Məktəbin direktoru Zəminə Nuriyeva bildirib ki, tədbirin keçirilməsində əsas məqsəd şagirdlərdə vətənpərvərlik hissinin formalaşdırılması, onlarda tarixin salnaməsində iz qoyub getmiş, dövlətçilik ənənələrini formalaşdırmış Azərbaycan Xalq Cümhuriyyətinin dəyərinin çatdırılmasıdır.
Şamo Əliyev
