Xırdalan şəhər 15 saylı körpələr evi-uşaq bağçasının rus qrupunda yeni tədris ilinin başlanması ilə əlaqədar tədbir keçirilib.
Tədbiri giriş sözü ilə bağçanın müdiri Mətanət Novruzova açaraq tərbiyəçiləri, körpələri, qonaqları salamlayıb, bu tədbirin mənası və məzmunu haqqında ətraflı məlumat verib.
Bağçanın bütün qrup otaqlarında səliqə-sahman yaradıldığını, təmizlik işlərinin aparıldığını vurğulayan M. Novruzova bildirib ki, bağçanın kollektivi yeni tədris ilini böyük ruh yüksəkliyi ilə qarşılayır.
Şən nəğmələr, rəngarəng rəqslər, gözəl çıxışlarla zəngin tədbirdə balacaları təbrik etmək üçün müxtəlif nağıl personajları da iştirak ediblər.