Qadın bəşəriyyətin anası, təbiətin yaratdığı ən incə varlıqdır.Yaradılışdan incə ruhlu qadınlar fədakar ana, qayğıkeş bacı, vəfalı həyat yoldaşıdırlar.Azərbaycan qadınları isə öz gözəllikləri, xanımlıqları, cəsarətləri ilə dünya qadınları arasında seçilir.Elə bu səbəbdəndir ki, hər il 8 Mart -Beynəlxalq Qadınlar günü dünyanın bir çox ölkələrində qeyd olunduğu kimi Azərbaycanda da xüsusi əhval-ruhiyyə ilə qeyd olunur.
Belə gözəl gündə Abşeron rayon Təhsil şöbəsi də gənc nəslin təlim-tərbiyəsində zəhməti olan xanımlarımızı diqqətdən kənarda qoymadı.Təhsil şöbəsinin müdiri cənab Nadir Ağayev qadınları bayram münasibəti ilə təbrik etdi . Rayon YAP Qadınlar şurasının sədri Təyyubə Hüseynova da öz növbəsində gözəl bir nitqlə xanımları təbrik etdi, rayon rəhbəri cənab Zakir Fərəcova xanımlara və müəllimlərə göstərilən diqqət və qayğıya görə dərin minnətdarlığını bildirdi.Daha sonra bir qrup müəllimlər Rayon Təhsil şöbəsinin Fəxri fərmanı ilə təltif olundu .Digər qrup müəllimləri isə hədiyyələr və pul mükafatları ilə sevindirildi.
Bu xoş gündə müəllimləri təbrik üçün tədbirə Rayon İcra Hakimiyyəti başçısının müavini xanım İradə Gülməmmədova gəlmişdi.İradə xanım müəllimləri təbrik etdi, onlara ən xoş arzular dilədi.Sonda Təhsil şöbəsinin müdiri Nadir Ağayev təhsil işçiləri adından rayon qadınlarının gözəl siması xanım İradə Gülməmmədovanı gül dəstəsi ilə təbrik etdi.
Redaktor: Çinarə Sadıqova
