Xırdalan şəhər 2 nömrəli tam orta məktəbdə “Uşaq hüquqları aylığı” çərçivəsində “Gələcək uşaqlarla gələcək” adlı tədbir keçirilib.
Tədbirin əvvəlində Dövlət himni səsləndirilib, ardından uşaq hüquqlarından bəhs edən video-slayd göstərilib.
Məktəbin 4a sinif şagirdlərinin hazırladığı bədii hissə istedadlı uşaqların çıxışları ilə davam etdirilib. Şagirdlər qonaqlara Uşaq Hüquqları Konvensiyası, uşaqların yaşamaq, təhsil, inkişaf, müdafiə, tibbi yardım və s. hüquqları haqqında fikirlərini maraqlı səhnəciklərlə nümayiş etdiriblər.
Məktəbin direktoru Ədalət Camalova “Uşaq hüquqları aylığı” çərçivəsində məktəbdə keçirilən tədbirlər, eyni zamanda uşaqlara diqqətin artırılması, uşaq hüquqlarının həyata keçirilməsi sahəsində görülən işlərdən danışıb.Direktor çıxşında qeyd edib ki, “Uşaq hüquqları aylığı”nın keçirilməsinin məqsədi BMT-nin Uşaq Hüquqları Konvensiyasının qəbul olunmasının ildönümü və 20 noyabr - Dünya Uşaqlar Günü ərəfəsində uşaqlara diqqətin artırılması, uşaq hüquqlarının qorunması vəziyyətinin daha da yaxşılaşdırılmasıdır.
Daha sonra çıxış edən tədbirin təşkilatçısı Gözəl Abbasova ölkəmizdə uşaq hüquqlarının müdafiəsi sahəsində görülən işlər barədə məlumat verib və qeyd edib ki, Azərbaycan Respublikasının Birinci vitse-prezidenti Mehriban xanım Əliyevanın rəhbərlik etdiyi Heydər Əliyev Fondu bu sahədə həyata keçirdiyi tədbirlərlə uşaqların ən böyük dost və himayədarına çevrilib.
Şamo Əliyev