Xırdalan şəhər 1 saylı körpələr evi-uşaq bağçasında "Əlvida bağça, salam məktəb!” adlı buraxılış tədbiri keçirib. Tədbirdə iştirak edən Abşeron rayon İcra Hakimiyyətinin əməkdaşı Seymur Qasımov , adı çəkilən bağçanın 39 il müdirəsi işləmiş Əsli Rəhimova və bağçanın müdirəsi Vüsalə Məşədiyeva körpələri təbrik edib ,onlara yaxşı oxumağı və vətənimiz Azərbaycana layiqli vətəndaş olmağı arzu ediblərlər.
Sonra balaca fidanlar vətənə, müəllimə, ana dilimizə, təbiətə, sülhə həsr edilən şən mahnılar ifa ediblər. Tədbirdə həmçinin uşaqların iştirakı ilə hazırlanmış səhnəciklər, rəqslər nümayiş etdirilib və balaca fidanlar şeirlər söyləyiblər.
Tədbirin sonunda balaca fidanlara fotolarından ibarət albom, hədiyyələr təqdim edilb və tort kəsilib.