Abşeron rayonunun Saray qəsəbəsində “Araz” supermarketlər şəbəkəsinin növbəti marketinin açılışı olub. Açılış mərasimində Rayon İcra Hakimiyyəti başçısının I müavini Məhəmməd Həsənov, müavin Fuad Cəbrayılov və sakinlər iştirak edib.
Rəmzi qırmızı lent kəsildikdən sonra mağaza ilə tanışlıq gəzintisi aparılıb.
Bildirilib ki, 70 -ə yaxın yeni iş yerinin yaradıldığı marketin fəaliyyətinin genişləndirilməsi və yeni işçilərin qəbul edilməsi nəzərdə tutulub.
“Araz” supemarketlər şəbəkəsinin direktoru Vüsal Şərifovun sözlərinə görə, yeni açılan marketlerdə qiymətlər bazar iqtisadiyyatına tam uyğunlaşdırılıb, işçilərin əksərriyəti isə yerli sakinlərdən ibarətdir. Sayca 40-cı olan “Araz” marketdə əsasən bölgələrdən gətirilən meyvə tərəvəzlər üstünlük təşkil edir. Marketin daha bir üstünlüyü ondan ibarətdir ki, sakinlərin rahatlığını təmin etmək məqsədi ilə yerləşdiyi ərazidən Saray qəsəbəsinin mərkəzinə və Ceyranbatan qəsəbəsinə xüsusi avtobuslar işləyəcək. O qeyd edib ki, gələcəkdə Abşeronun bütün kənd və qəsəbələrində yeni filialların açılması nəzərdə tutulub.