Abşeron Rayon İcra hakimiyyətinin başçısı İradə Gülməmmədovanın rayonun Novxanı kəndində sakinlərlə səyyar qəbul-görüşü keçirilib. Görüşdə rayonun hüquq-mühafizə orqanlarının, səhiyyə, təhsil, mədəniyyət və digər xidmət təşkilatlarının rəhbərləri və kənd sakinləri iştirak edib.
Rayonun kənd və qəsəbələrində yaşayan əhali ilə mütəmədi olaraq görüşlərin keçirildiyini, bunun artıq ənənə xarakter daşıdığını vurğulayan İ.Gülməmmədov səyyar qəbulların məqsədinin yerlərdə ortaya çıxan problemlərin öyrənilməsi və həlli istiqamətində addımların atılması olduğunu qeyd edib.
Abşeronda son 10 ildə həyata keçirilən quruculuq-abadlıq işlərindən danışan başça Novxanı kəndində bağça və məktəbin tikilərək istifadəyə verildiyini, hazırda iki yeni bağçanın inşasının davam etdirildiyini bildirib.
Rayonda kəndlərarası yol infrastrukturunun yeniləndiyini, əhalinin fasiləsiz təbii qaz, elektrik enerjisi və su ilə təmin edildiyini deyən icra başçısı bu istiqamətdə həyata keçirilən işlərim davamlı olacağını, yeni salınan məhəllələrin lazimi kommunikasiya xəttləri ilə təmini istiqamətdə mühüm addımların atıldığını qeyd edib.
Abşeronun digər kənd və qəsəbələrində olduğu kimi, Novxanı kəndində də əhalinin sayının surətlə artdığını və bu səbəbdən də təbii olaraq müəyyən təlabatların yarandığını, onların da qarşılanması üçün lazimi tədbirlərin görüldüyünü qeyd edən İ.Gülməmmədova kənddə yeni salınan yaşayış məntəqələrinin bəzilərində içməli su probleminin olduğunu, lakin problemin həlli üçün tədbirlərin həyata keçirildiyini söyləyib.
Daha sonra kənd sakinlərindən Aslan Nurəddinov, Arzu üleymanova, yusif Əhmədov, Nərmin Gülsünova, Zenfirə Quliyeva. Mələk Əliyeva, Teymur Məmmədov və digərləri çıxış edərək rayon icra başçısının kənd və qəsəbələrdə səyyar görüşlərinin keçirməsinin çox böyük əhəmiyyət daşıdığını, əhali tərəfindən irəli sürülən təkliflərinin reallaşmasında və problemlərin həll olunmasında müstəsna kömək etdiyini bildiriblər.
Çıxışçılar rayonunda, eləcə də Novxanı kəndində aparılan quruculuq və abadlıq işlərinə görə təşəkkür edərək, kəndin yeni salınan məhəllələrinə telefon xəttlərinin çəkilməsini, içməli su probleminin həll olunmasını, verilən təbii qazın təzyiqinin artırılmasını və kənd içi marşrut xəttinin yaradılmasında köməklik göstərilməsini xahiş ediblər.
Sakinlər tərəfindən qaldırılan məsələlərin mümkünləri yerindəcə həll olunub, müəyyən vaxt və vəsait tələb edən digər məsələlərin həlli istiqamətində isə müvafiq tapşırıqlar verilib.
Görüşün yekununda İ.Gülməmmədova bildirib ki, sakinlərlə səyyar görüşlərin keçirilməsi bundan sonra da davam etdiriləcək. O, qeyd edib ki, Prezident İlham Əliyevin tapşırığına uyğun olaraq Abşeron rayonunda əhalinin məşğulluq səviyyəsinin artırılması istiqamətində işlər gürülür, bu yöndə sakinlər tərəfindən irəli sürülən təkliflərə Rayon İcra Hakimiyyəti tərəfindən lazimi dəstək verilir.
