Noyabrın 21-də Abşeron rayon Mədəniyyət və Turizim şöbəsinin müdiri, əməkdar mədəniyyət işçisi İlham Manafovun doğum günüdür. AbşeronXəbər iformasiya portalının kollektivi adından İ.Manafovun ömrünün əlamətdar günü münasibəti ilə təbrik edir, ona həmişə yüksəklikdə olmağı, xoşbəxtliklə dolu günlər keçirməyi arzu edirik.
Manafov İlham Atabala oğlu 1963-cü ildə Xırdalan şəhərində anadan olub. 1970-ci ildən 1978-ci ilədək Xırdalan şəhər indiki 4 saylı orta məktəbdə 8 illik təhsil aldıqdan sonra, 1978-ci ildə Asəf Zeynallı adına Bakı Musiqi Texnikumuna daxil olub, 1982-ci ildə tar ixtisası üzrə musiqi təhsili alıb. Texnikumu bitirdikdən sonra, 1982-ci ildə Üzeyir Hacıbəyov adına Azərbaycan Dövlət Konservatoriyasına qəbul olub. 1 il təhsil aldıqdan sonra 1983-cü ildə hərbi xidmətə çağırılıb, 1985-ci ildə ordu sıralarından təxris olunaraq təhsilini davam etdirib.
1989-cu ildə Konservatoriyanı bitirdikdən sonra müxtəlif yerlərdə əmək fəaliyyəti ilə məşğul olub.
1982-ci ildə Cənub Dövlət Kənd Tikinti Layihə İnstitutunda klub müdiri, 1990-1991-ci illərdə AEA-nın Fizika İnstitutunun “Selen” təcrübə zavodunda operator,1991-94-cü illərdə “Azərbaycan” Estrada Teatrında sərəncamçı direktor,1994-2001-ci illə kimi Xırdalan şəhər Uşaq Musiqi Məktəbinin direktoru vəzifələrində çalışıb. 2001-ci ildən indiyədək Abşeron Rayon Mədəniyyət və Turizm Şöbəsinin müdiri vəzifəsində işləyir.
I-dərəcəli dövlət qulluqçusudur. 2012-ci ilin dekabr ayında Azərbaycan Respublikasının Prezidenti cənab İlham Əliyevin Sərəncamı ilə Əməkdar mədəniyyət işçisi fəxri adına layiq görülüb.
Yeni Azərbaycan Partiyasının və YAP Abşeron Rayon Təşkilatının İdarə Heyətinin üzvüdür.
Ailəlidir. 3 övladı var.
Şamo Əliyev
