Tədbiri giriş sözü ilə açan 23 saylı körpələr evi- uşaq bağçasının müdiri Aybəniz Sadıxova bildirib ki, müasir dövrümüzdə Azərbaycan qadını ölkənin ictimai-siyasi həyatında fəal rol oynayan bir varlıqdır: “Azərbaycanın Birinci vitse-prezidenti, Heydər Əliyev Fondunun Prezidenti, YUNESKO və İSESKO-nun xoşməramlı səfiri, millət vəkili Mehriban xanım Əliyeva bütün dünyaya sübüt edir ki, Azərbaycan qadını gözəl ana olmaqla bərabər , həm də fəal ictimai xadim ola bilər. Bu gün əbəs yerə deyil ki, respublikamızın bir çox sahələrində çalışanların böyük bir hissəsini qadınlar təşkil edir.Azərbaycan qadını həm həkim, həm müəllim, həm memar, həm dövlət qulluqçusu, həm hərbiçi, həm ictimai-siyasi xadim, həm də qayğıkeş ana, vəfalı həyat yoldaşıdır”.
A.Sadıxova Azərbaycan qadınlarının hər birinin ölkə Prezidenti cənab İlham Əliyevin uğurlu siyasəti ətrafında sıx biləşdiyini, Onun yolunda fəaliyyətlərini davam etdirdiyini vurğulayıb.
A.Sadıxova bildirib ki, Abşeron qadını bu gün ölkəmizi beynəlxalq müstəvidə layiqincə təmsil edir: “Bizlər bunu Abşeron rayon İcra Hakimiyyətinin başçısı İradə xanım Gülməmmədovanın fəaliyyətində görməkdəyik. Bu gün hər bir Abşeron qadını Onun bu fəaliyətindən örnək götürür, Vətəninə, dövlətinə layiqli vətəndaş kimi xidmət etməyə çalışır”.
Bayram şənliyində ilk olaraq zala duz çörək, gətirilib.
Daha sonar tədbirin bədii hisəssində uşaqlar Azərbaycan və rus dillərində şeirlər söyləyib, mahnılar oxuyub, rəqslər ifa ediblər.Hər 2 dildə səhnəciklərin göstərildiği şənlikdə uşaqların çıxışları alqışlarla qarşılanıb.
Şamo Əliyev