Misirin Azərbaycandakı səfirliyinin Mədəniyyət və Təhsil Əlaqələri Mərkəzində “Misir dünya uşaqlarının gözü ilə” adlı beynəlxalq rəsm müsabiqəsində qalib gəlmiş rəssamların mükafatlandırılması mərasimi keçirilib.
Misir Mədəniyyət və Təhsil Əlaqələri Mərkəzinin müdiri Əhməd Sami Elaydi müsabiqənin əhəmiyyətindən danışıb. Qeyd edib ki, 1990-cı ildən etibarən keçirilən bu beynəlxalq müsabiqədə hər il 140-dan çox ölkə iştirak edir. “Son illər Azərbaycan təmsilçilərinin yüksək nailiyyətlər əldə etməsi qürurverici haldır. Müsabiqə qaliblərinin əsərlərindən ibarət kataloqun üz qabığında məhz Azərbaycanın gənc istedadının əsərinin yer alması bu ölkənin dünya mədəniyyəti və incəsənətinə hər zaman töhfə verdiyini bir daha təsdiqləyir”.
Mükafatlandırma mərasimində Abşeron rayon Saray qəsəbəsi incəsənət məktəbinin direktoru Anar Nuriyev, Quba rayon incəsənət məktəbinin direktoru Mirkazım Cəfərov, Şamaxı şəhər İncəsənət Təhsili Mərkəzinin direktoru Namiq Rzazadə çıxış edərək gənclərə yaradıcılıq uğurları arzulayıblar.
Sonda 5 nəfər qızıl, 5 nəfər gümüş medalla mükafatlandırılıb, 9 nəfərə isə Misir Mədəniyyət Nazirliyinin sertifikatları təqdim edilib.
Mükafatlandırma mərəasimində Abşeron rayon Saray qəsəbə Uşaq İncəsənət Məktəbinin Təsviri İncəsənət şöbəsinin şagirdləri 2 qızıl, 2 gümüş medala və 4 sertifikata layiq görülüblər.
Hüseynova Mələk Kənan qızı- Qızıl medal
Qurbanov Arif Ceyhun oğlu- Qızıl medal
Şaxiyev Rəşid İlqar oğlu- Gümüş medal
Bəhrəmova Gülinə Məhərrəm qızı- Gümüş medal
Yaqubov Rəşad Yaşar oğlu-Sertifikat
Nəzərova Tutu Seymur qızı- Sertifikat
Əliyeva Fatimə Həmid qızı- Sertifikat
Camalzadə Nihad Vüqar oğlu- Sertifikat
Yazar: Aygün Əliyeva
