Ruzi və bərəkət rəmzi olan Novruzun gəlişi Görədil kəndində də təntənə ilə qeyd olundu.
Novruz üçün xarakterik adət-ənənələrin nümayişi tədbirin rəngarəngliyini daha da artırdı.Tədbirdə çıxış edənlər sakinlərə xoş arzularını çatdırdılar. Novruzun bu gün dövlət səviyyəsində qeyd olunması müstəqilliyimizin və ən əsası isə dövlətimizin başçısının milli-mənəvi dəyərlərimizə göstərdiyi qayğının nəticəsidir.Çıxış edən kənd ağsaqalları rayon rəhbəri cənab Zakir Fərəcova Görədil kəndinin sakinləri üçün belə bir bayram şənliyinin təşkil edilməsinə görə öz minətarlıqlarını bildirdilər.
Şənlikdə, baharın gəlişini xarakterizə edən adətlərin canlandırılması iştirakçılar tərəfindən maraqla qarşılandı. Bahar qızın bayram təbriki, kosa və keçəlin maraqlı oyunları hər kəsdə xoş ovqat yaratdı.
Kəndin gənc idmançılarının nümayiş etdirdikləri idman səhnələri iştirakçıların ürəyincə oldu.
Bayram şənliyi novruz tonqalı yandırıldıqdan sonra rayon özfəaliyyət kollektivlərinin baharı vəsf edən nəğmələri ilə başa çatdı.