Mədəniyyət və Turizm Nazirliyinin Xalq Yaradıcılığı paytaxtları layihəsi çərçivəsində Abşeron rayonu 2014 cü ilin “Sənətkarlıq paytaxtı”seçilib.Bu münasibətlə rayon Mədəniyyət Mərkəzində təqdimat mərasimi keçrildi.
Tədbir iştirakçıları əvvəlcə sərgi ilə tanış oldular.Sərgidə Abşeron rayonunun xalq tətbiqi sənət ustalarının əl işləri və eyni zamanda rayon rəssamlarının rəsm əsərləri nümayiş etdirildi. Azərbaycan xalqının qədim və rəngarəng qeyri maddi mədəni irsi minilliklər boyu millətin mentalitetini və şüurunu formalaşdıran əsas mənbələrdən biri olmaqla xalq yaradıcılığının nailiyyətlərini özündə ehtiva edən unukal bəşəri fenomendir deyən Abşeron Rayon Mədəniyyət və Turizm şöbəsinin müdiri İlham Manafov bildirdi ki,2010-2014 cü illər üçün Mədəniyyət və Turizm Nazirliyinin Xalq Yaradıcılığı Paytaxtları proqramı çərçivəsində Abşeron rayonu 2014cü ilin “Sənətkarlıq Paytaxtı”seçilməsi münasibəti ilə abşeronluları təbrik etdi.Xalqımızın maddi-mədəni irsi Azərbaycan dövlətinin daim diqqətində olduğunu vurğulayan natiq qeyd etdi ki,Azərbaycanın birinci xanımı,Heydər Əliyev Fondunun prezidenti, UNESCO və İSESCO -nun xoşməramlı səfiri,Milli Məclisin deputatı Mehriban Əliyeva Azərbacanın qeyri maddi mədəni irsinin qorunması və beynəlxalq aləmdə tanınması istiqamətində göstərdiyi fəaliyyət bu gün də prinsipiallıqla davam etdirilir.Məhz Mehriban Əliyevanın məqsədyönlü fəaliyyətinin nəticəsi olaraq Azərbaycan muğamı,Novruz bayramı,Xalça sənəti,Aşıq sənəti,tar ifaçılıq sənəti, ”Cövkən” oyunu YUNESCO-nun qeyri maddi mədəni irs siyahısına daxil olmuşdur.Mədəniyyət və Turizm Nazirliyinin Mədəniyyət siyasəti şöbəsinin əməkdaşı Rəşad Əliyev vurğuladı ki,”Xalq Yaradıcılığı”paytaxtlarının seçilməsində məqsəd Azərbaycanın Qeyri maddi mədəni irsinin qorunması,dəstəklənməsi,milli folklor ustaları və kollektivləri,sənətkarların,milli adət ənənələrin,eyni zamanda Respublikanın şəhər və rayonlarının beynəlxalq səviyyədə tanıdılması,daxili və xarici turizmin inkişaf etdirilməsinə dəstək verməkdir.Qeyd olundu ki, rayonda il ərzində nominasiyaya uyğun olaraq təntənəli mərasimlər.elmi praktiki konfranslar,dəyirmi masa,musabiqə festival,sərgi,infotur və konsertlər təşkil ediləcək.Bildirildi ki,”2010-2014 cü illər üçün Xalq Yaradıcılığı Paytaxtları” proqramının əsas məqsədi regionlarda məqsədyönlü tədbirlərin təşkil olunması vasitəsi ilə Azərbaycanının qeyri maddi mədəni irsinin qorunmasına,xalq yaradıcılığının təşviqinə,tarazlı regional və davamlı sosial iqtisadi inkişafa,ümumilikdə mədəni həyatın daha da rəngarəng olmasına töhfə verməkdən ibarətdir.Sonda Xırdalan şəhər uşaq musiqi məktəbliləri xalq çalğı alətləri şöbəsinin dahi bəstəkar Üzeyir Hacıbəyovun “Arşın mal alan”operattasından musiqi nomrələri ifa olundu.
