Uzun illərdir ki Xırdalan şəhərində məişət tullantısı problemi müzakirə edilsədə ortada nəticə yox idi. Bu problem şəhərin mərkəzi ərazilərində müşahidə edilməsə də, ətraf ərazilərdə özünü qabarıq büruzə verirdi ki, buda sakinlərin haqlı narazılığına səbəb olurdu. Şəhərdə mövcud məişət tullantılarını yığan digər yük avtomobillərinində tez-tez xarab olması yeni maşınlara ehtiyacı artırırdı.
Artıq bu məsələ öz həllini tapır. Beləki, Abşeron RİH başçısının təşəbbüsü və rayonun daxili imkanları hesabına Amerika istehsalı olan, hər biri 17 ton yük götürmə qabiliyyətli, məişət tullantıları daşıyan yeni tipli 2 maşın alınıb ki , bununlada şəhər ərazisində məişət tullantıları daşıyan yük maşınlarının sayı 10-a çatırılıb. Üstəlik yeni alınan bu avtomobillər vaxta qənaət üçündə əlverişlidir.
Bütün bunlarla yanaşı Xırdalan şəhərində yeni yaradılan konteyner meydançalarında 160 ədəd yeni, müasir konteynerlər yerləşdirilib. Sanitar-gigiyena tələblərinə uyğun mütəmadi olaraq konteynerlər yuyulur, meydançalar dezinfeksiya edilir. Zibil yeşiklərinin ilk partiyası artıq şəhərin bir sıra mərkəzi küçələrdə quraşdırılıb.
Yeni texnikaların tətbiqi əhaliyə göstərilən kommunal xidmətlərin səviyyəsini yüksəldəcək, əl əməyindən istifadəni azaldacaq, kommunal xidmətlərin mövcud avtopatkınin yeniləşməsinə səbəb olacaq. Texnika sayının artırılması şəhərin müxtəlif ərazilərində məişət tulantılarının vaxtında daşınması və şəhərin ekoloji durumunun yaxşılaşdırılmasına müsbət təsir göstərəcək.
