Azərbaycan Respublikasının Prezidenti İlham Əliyevin tapşırıq və tövsiyələrinə uyğun olaraq Abşeron rayonunda aparılan abadlıq və quruculuq işləri çərçivəsində park və xiyabanların salınmasına, mövcud olanların isə yenidən qurulmasına xüsusi diqqət göstərilir. Bu sahədə həyata keçirilən işlər çərçivəsində Abşeron rayonunun Saray qəsəbəsində ki “Şəhidlər ” parkında da əsaslı yenidənqurma və abadlıq işləri aparılıb.Abşeron Rayon İcra Hakimiyyəti tərəfindən cari ilin əvvəlindən başlan yenidənqurma işləri zamanı parkın ərazisi xeyli genişləndirilib, burada yeni oturacaqlar, müasir işıqlandırma sistemi quraşdırılıb, tamet plitələr döşənib.
Bütün bunlarla yanaşı parkın ərazisində 400 kvadratmetr yeni yaşıllıq sahəsi salınıb, ağac və gül kolları əkilib,Qarabağ savaşında şəhid olmuş kənd sakinlərinin xatirəsinə “Şəhidlər bulağı” inşa edilib. Həmçinin parkda ucaldılan “Şəhidlər” abidə kompleksi əsaslı təmir edilib, Sovet ittifaqı qəhrəmanı, əslən saraylı olan Mikayıl Ələkbərovun heykəli parkın mərkəzinə gətirilərək ətrafına mərmər döşənib.
Yenidən əsaslı şəkildə qurulan park artıq nütün Saraylıların müqəddəs ziyarətgahına çevrilib.Bura ziyarətə adəti üzrə ilk olaraq bağçadan, məktəblərdən gəlirlər.
Azərbaycanın ərazi bütövlüyü uğrunda canından keçən şəhidlərimizin xatirəsinin yaşadılması, onların tanıdılması hər birimizin borcudur. İnşa edilən bu abidə kompleksi də bu torpaqları Vətən edənlərə göstərilən dərin hörmət və ehtiramın bir nümunəsidir
Qəsəbə sakinləri şəhid və qazi ailələrinə göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
