2018-ci ilin aprelin 4-də cəbhənin Ağdam istiqamətində gedən şiddətli döyüşlər zamanı şəhidlik zirvəsinə yüksələn baş leytenant Nurid Çingiz oğlu Abdullayevin anadan olmasının 30-cu ili münasibəti ilə Abşeron rayonunun Qobu qəsəbəsində Abidə Bulaq Kompleksi istifadəyə verilib.
Abşeron Rayon İcra Hakimiyyəti başçısının humanitar məsələlər üzrə müavini, Qobu qəsəbə inzibati ərazi dairəsi üzrə nümayəndəsi, bələdiyyə sədri, şəhidin doğmaları və yaxınlarının, şəhid ailələrinin və qazilərin iştirak etdikləri mərasimdə vətənimizin ərazi bütövlüyü uğrunda canından keçən bütün igidlərimizin əziz xatirəsi bir dəqiqəlik sükutla yad edilib, ruhlarına dualar oxunub, sonra Dövlət Himni səsləndirilib.
Mərasimdə Abşeron Rayon İcra Hakimiyyəti başçısının humanitar məsələlər üzrə müavini Gülnar Rəhimova çıxış edərək Ali Baş Komandan İlham Əliyevin rəhbərliyi ilə müzəffər ordumuzun gücü və peşəkarlığı sayəsində qazanılan zəfərimizdə, işğaldan azad edilən torpaqlarımızın hər qarışında neçə-neçə şəhidimizin qanının, hər birinin fərqli qəhrəmanlıq səlnaməsinin olduğunu qeyd edib.
Tədbirdə çıxış edən şəhidimizin ailə üzvləri şəhid ailələrinə göstərilən diqqət və qayğıdan razılıqlarını ifadə edərək buna görə Müzəffər Ali Baş Komandan, Azərbaycan Respublikasının Prezidenti cənab İlham Əliyevə və Birinci Vitse-prezident Mehriban xanım Əliyevaya minnətdarlıqlarını ifadə ediblər.
