Absheron Media
Haqqımızda Bizimlə əlaqə

8 Noyabr tarixə qızıl hərflərlə yazıldı

Tarix:8-11-2022, 14:16

8 Noyabr tarixə qızıl hərflərlə yazıldı


Azərbaycan Respublikasının Prezidenti, Müzəffər Ali Baş Komandanımız cənab İlham Əliyevin güclü siyasəti, gərgin əməyi, Şanlı Ordumuzun peşəkarlığı, igid vətən övladlarının qəhrəmanlığı nəticəsində Azərbaycan düşmən üzərində qələbə çaldı. İşğal altında qalan torpaqlarımız geri qaytarıldı.
Xalqımız dünyada mübariz, döyüşkən və müzəffər xalq kimi tanındı. Ölkəmiz bütün istiqamətlərdə inkişaf yolunu tutdu. Qazanılan hər bir nailiyyət bizi ərazi bütövlüyümüzü təmin etməyə və üçrəngli bayrağımızı Vətənimizin hər bir guşəsinə sancmağa aparırdı.

Qazandığımız bu misilsiz Zəfər, güclü ordu quruculuğu və eyni zamanda iqtisadi inkişaf uğurlu dövlət siyasətinin nəticəsidir. 30 ilə yaxın müddətdə Azərbaycanda dünya standartlarına uyğun, yüksək döyüş qabiliyyətli ordu yaradıldı. Ordunun döyüş qabiliyyəti ilbəil möhkəmləndi, müasir silahlar alındı, dünyanın müxtəlif ölkələrindən ən müasir texnikalar ölkəmizə gətirildi. 28 ildə möhkəmlənmiş, keçilməz dedikləri sədləri qısa müddətdə keçməyimiz göstərirdi ki, ordu quruculuğu və silahlanma siyasətimiz düzgün aparılmışdır. Əlbəttə ki, iqtisadiyyat müharibənin əsas amillərindən biridir. Doğru iqtisadi yüksəliş qələbənin reallaşmasına təkan verdi.

Bütün regional layihələrdən kənarda qalan Ermənistandan fərqli olaraq Azərbaycan transmilli layihələrlə regionda təmamilə yeni mənzərə yaratdı. Təbii ki, bunlar Azərbaycanın Beynəlxalq nüfuzunu gücləndirdi. Beynəxalq təşkilatlarla əməkdaşlıq münaqişənin həlli üçün zəmin yaratdı.

Ermənistan 2020-ci ilin sentyabr ayında növbəti təxribata əl atdı. Müxtəlif istiqamətlərdən ölkəmizin ərazisini atəşə tutdu. Ordumuz Ali Baş Komandanın əmrini gözləyirdi. 2022-ci il sentyabr ayının 27-də Ali Baş Komandanımız səfərbərlik elan etdi. Azərbaycanın igid, vətənpərvər övladları könüllü olaraq cəbhəyə yollandılar və bununmla da Vətən Müharibəsi başladı. Ermənistan Silahlı Qüvvələrinin döyüş aktivliyinin qarşısını almaq, mülki əhalinin təhlükəsizliyini təmin etmək məqsədiylə Azərbaycan Ordusunun komandanlığı tərəfindən qoşunlarımızın bütün cəbhə boyu əks əməliyyata başlaması barədə əmr verildi.

Müharibə dövründə xalqımız öz birliyini və gücünü göstərə bildi. On minlərlə insanın orduya könüllü yazılması, eləcə də təxribatlar zamanı təmas nöqtəsində olan kənd sakinlərinin evlərini tərk etməməsi faktı xalq-ordu birliyini və orduya olan inamın göstəricisidir.

44 gün ərzində hər gün Ordumuz irəli gedirdi. Hər gün torpaqlarımız qarış-qarış düşməndən təmizlənirdi. Hər gün insanlar Ali Baş Komandanın verəcəyi yeni müjdələri səbirsizliklə gözləyirdi. 30 ilə yaxın həsrət qaldığımız vətən torpaqları düşməndən təmizlənirdi. Qeyrətli vətən oğullarının Füzulidən başlayıb Şuşanın fəthi ilə qurtaran Zəfər yürüşü ilə... Qələbə bizimlə oldu. Zəfər çaldıq. 8 noyabr igidlərimizin qanı ilə tarixə qızıl hərflərlə yazıldı.
Mənim həyat yoldaşım Veysəl Musibov da bizdən çox sevdiyi vətən üçün canını verdi. Şəhidlik zirvəsinə ucaldı. Əbədiləşdi, tarixləşdi. Vətən oğlu vətənin oğlu oldu. Azərbaycan Respublikasının Prezidenti cənab İlham Əliyevin Sərəncamı ilə Vətən Müharibəsi Qəhrəmanı adına layiq görüldü. Mən isə onun yarımçıq qalmış arzularını-övladları 6 yaşlı Nilayı və 4 yaşlı Yadullanı qürurla, fəxrlə böyüdürəm.
Qələbən mübarək, Azərbaycan!

Məryəm Müsibova
Vətən Müharibəsi Qəhrəmanı, şəhid Veysəl Müsibovun həyat yoldaşı

Azərbaycanın enerji suverenliyində yeni səhifə
Azərbaycanın enerji suverenliyində yeni səhifə
Biz Silahlı Qüvvələr Gününü artıq müzəffər ordu kimi, qalib xalq kimi qeyd edirik
Biz Silahlı Qüvvələr Gününü artıq müzəffər ordu kimi, qalib xalq kimi qeyd edirik
Abşeron rayonunda şəhidlərimiz və onların ailə üzvləri növbəti dəfə ziyarət olunub
Abşeron rayonunda şəhidlərimiz və onların ailə üzvləri növbəti dəfə ziyarət olunub
Abşeronda tibb işçilərinin peşə bayramı qeyd edilib
Abşeronda tibb işçilərinin peşə bayramı qeyd edilib
Əbədi və əzəli Azərbaycan-Türkiyə qardaşlığı
Əbədi və əzəli Azərbaycan-Türkiyə qardaşlığı
Azərbaycan xalqının Qurtuluş Günü
Azərbaycan xalqının Qurtuluş Günü
Abşeron rayonunda 15 iyun – Milli Qurtuluş Gününə həsr olunan tədbir keçirilib
Abşeron rayonunda 15 iyun – Milli Qurtuluş Gününə həsr olunan tədbir keçirilib
Abşeronda bir sıra sosial xidmət müəssisələri ziyarət edilib
Abşeronda bir sıra sosial xidmət müəssisələri ziyarət edilib
Azərbaycan bu gün təkcə regionda deyil, eləcə də dünyada əsas enerji ixracatçısı kimi tanınır
Azərbaycan bu gün təkcə regionda deyil, eləcə də dünyada əsas enerji ixracatçısı kimi tanınır
Xırdalan ASM-də uşaqlara həsr olunmuş unudulmaz gün!
Xırdalan ASM-də uşaqlara həsr olunmuş unudulmaz gün!
Azərbaycan - Türkiyə - Pakistan birliyi …
Azərbaycan - Türkiyə - Pakistan birliyi …
Uşaqların Beynəlxalq Müdafiəsi Günü Abşeronda şəhid övladları ilə birgə qeyd edilib
Uşaqların Beynəlxalq Müdafiəsi Günü Abşeronda şəhid övladları ilə birgə qeyd edilib
Abşeronda 28 May - Müstəqillik Günü qeyd edilib
Abşeronda 28 May - Müstəqillik Günü qeyd edilib
Milli dövlətçilik ənənələrinin yeni səhifəsi
Milli dövlətçilik ənənələrinin yeni səhifəsi
Türk dövlətləri arasında birlik güclənir
Türk dövlətləri arasında birlik güclənir
Azərbaycan və Macarıstan arasında geniş dostluq və tərəfdaşlıq münasibətləri
Azərbaycan və Macarıstan arasında geniş dostluq və tərəfdaşlıq münasibətləri
Azərbaycan konstitusion və suveren dövlətdir
Azərbaycan konstitusion və suveren dövlətdir
Konstitusiya və suverenlik dövlətçiliyimizin əsas amilidir
Konstitusiya və suverenlik dövlətçiliyimizin əsas amilidir
Abşeronda “Ailə həftəsi” çərçivəsində silsilə tədbirlər keçirilib
Abşeronda “Ailə həftəsi” çərçivəsində silsilə tədbirlər keçirilib