Abşeron rayonunun Xırdalan şəhəri də daxil olmaqla, bütün kənd və qəsəbələrində ümumrayon abadlıq-təmizlik və ağacəkmə işləri həyata keçirilib. Ümumilikdə 800-ə yaxın işçi qüvvəsinin və 50-dən çox texnikanın cəlb edildiyi işlər zamanı magistral yolların, küçə və prospektlərin, məhəllədaxili yolların və dalanların, yaşayış binalarının ətrafı tikinti və məişət tullantılarından təmizlənib. Həmçinin bir sıra məişət tullantıları məntəqələrində konteynerlər yenisi ilə əvəz edilib və bərpa olunub. Məişət tullantıları üçün 25 ünvanda yeni məntəqə yaradılıb, 10 ünvanda isə hazırda işlər davam etdirilir.
Həmçinin yaşıllıq sahələrinin artırılması məqsədilə rayon icra hakimiyyəti rəhbərliyinin və şəhid ailələrinin iştirakı ilə ağacəkmə aksiyası keçirilib. Aksiyada rayon gəncləri və könüllülər də fəal iştirak ediblər. Rayonun bütün kənd və qəsəbələrində əvvəlcədən təyin olunmuş ünvanlarda ümumi sayı 700-ə yaxın gül kolu, Eldar şamı və digər həmişəyaşıl ağacları əkilib. Əkilən ağaclara üzvi gübrə verilərək suvarılıb, mövcud yaşıllıqlara qulluq edilib.
207
0
1 129
0
