Azərbaycan Respublikası Prezidentinin Sərəncamı ilə təsdiq olunmuş “Məşğulluq Strategiyasının həyata keçirilməsinə dair 2020–2025-ci illər üçün Tədbirlər Planı”nın 4.5-ci bəndinin (Peşə və sahə assosiasiyaları yaradılmasının dəstəklənməsi) icrasının təmin edilməsi məqsədilə Abşeron Rayon Heydər Əliyev Mərkəzində tədbir keçirilib. Tədbirdə rayon icra hakimiyyətinin əməkdaşları, aidiyyəti dövlət qurumlarının rəhbərləri, icra nümayəndələri və bələdiyyə sədrləri iştirak ediblər.
Abşeron RİH-nin əməkdaşı Məhərrəm Abdulov çıxış edərək sahibkarların maraqlarının müdafiəsindən söz açıb, məşğulluğun artırılması, qeyri-formal əmək münasibətlərinin qarşısının alınması, məlumatlılıq səviyyəsinin yüksəldilməsi və digər bu kimi işlərin həyata keçirilməsi baxımından peşə və sahə assosiasiyaların yaradılmasının xüsusi əhəmiyyət daşıdığını vurğulayıb.
Daha sonra tədbir iştirakçılarının fikirləri öyrənilib. İclasda çıxış edənlər peşə və sahə assosiasiyaları yaradılmasının dəstəklənməsinin vacibliyini qeyd edib, bununla bağlı təkliflərini bildiriblər.
Tədbirdə çıxış edənlər həmçinin ölkənin hər bir yerində olduğu kimi, Abşeron rayonunda da məşğulluğun təmin olunması sahəsində bir sıra tədbirlərin həyata keçirildiyini diqqətə çatdırıblar. Qeyd olunub ki, əhalinin məşğulluğunun təmin edilməsi məqsədilə Abşeron rayonu üzrə Məşğulluğa kömək göstərən əlaqələndirmə komitəsi, həmçinin Dövlət Məşğulluq Agentliyinin tabeliyində Peşə Hazırlığı Mərkəzi PHŞ yaradılıb. Abşeron rayonu üzrə “Dost İş Mərkəzi” tərəfindən işə qəbul zamanı aztəminatlı ailələrin, həssas qruplardan olan ailələrin, xüsusilə şəhid və müharibə əlillərinin ailə üzvlərinə üstünlük verilir.
Yekunda Peşə və sahə assosiasiyalarının yaradılmasının qeyri-formal məşğulluğun aradan qaldırılması, məşğulluğun təmin olunması sahəsində, eyni zamanda Abşeron rayonunun sosial-iqtisadi cəhətdən inkişafına, əhalinin rifahının yüksəlməsinə təkan vercəyinə inam ifadə olunub.
