“Azərbaycan Respublikasında 2024-cü ilin “Yaşıl dünya naminə həmrəylik ili” elan edilməsi ilə bağlı Tədbirlər Planı”nın 3.6-cı bəndinin icrasını təmin emək məqsədilə Abşeron rayonunda görüş keçirilib. Görüşdə Abşeron Rayon İcra Hakimiyyətinin Memarlıq və tikinti şöbəsinin müdiri Kənan Babayev, bina tikintisi fəaliyyəti ilə məşğul olan hüquqi və fiziki şəxslər iştirak ediblər.
Görüşdə K.Babayev “Yaşıl bina” prinsipləri və təcrübələri, “Yaşıl tikinti sahəsi”ndə beynəlxalq standartlar, eləcədə “yaşıl bina” layihəsinin ekoloji çirklənmənin qarşısını almaq üçün nə dərəcə əhəmiyyətli olmasından və bu barədə görüləcək işlərin məqsədəuyğunluğundan bəhs edib, habelə rayonun inzibati ərazilərində mövcud “Yaşıl bina”lar haqqında da məlumat verib.
Qeyd edilib ki, Azərbaycanda yaşıl tikinti və ekoloji cəhətdən təmiz əmlak seçimləri gələcəyin davamlı inkişafı üçün vacib bir addımdır. Bu yanaşma təkcə ətraf mühitin qorunmasına deyil, həm də enerji səmərəliliyi, sağlamlıq və iqtisadi fayda baxımından böyük əhəmiyyət kəsb edir.
Məlumat üçün bildiririk ki, Dövlət Arxitektura və Şəhərsalma Komitəsinin tabeliyindəki Bakı Dövlət Layihə İnstitutu tərəfindən Laçın rayonunun Qoşasu kəndinin ərazisində fasad divarları yaşıl bitkilərlə örtülmüş bir inzibati binanın konseptual layihəsi, habelə Cəbrayıl rayonunun Horovlu kəndinin ərazisində fasad divarları yaşıl bitkilərlə örtülmüş bir inzibati binanın tikinti layihəsi hazırlanmışdır.Qeyd olunan layihələr əsasında aidiyyəti üzrə müvafiq tədbirlərin həyata keçirilməsi nəzərdə tutulur.
