Prezident cənab İlham Əliyevin 4 aprel 2022-ci il tarixli 3199 nömrəli Sərəncamı ilə təsdiq edilmiş “Korrupsiyaya qarşı mübarizənin gücləndirilməsinə dair 2022─2026-cı illər üçün Milli Fəaliyyət Planı” üzrə hazırlanmış Tədbirlər Planının 6.9-cu bəndinin icrası məqsədilə Abşeron rayonun idarə, müəssisə və təşkilatlarında maarifləndirici, o cümlədən hesabat xarekterli tədbirlər keçirilib.
Maarifləndirici görüşlərdə dövlət qurumlarının fəaliyyətində şəffaflığın daha da artırılması, korrupsiyaya şərait yaradan halların qarşısının alınması və mübarizə tədbirlərinin davamlılığının təmin edilməsinin əhəmiyyətindən danışılıb, müvafiq normativ-hüquqi sənədlərin tələbləri diqqətə çatdırılıb.
Eyni zamanda Abşeron RİH-nin təşkilatçılığı ilə “Zoom” platforması üzərindən təşkil olunan konfransda korrupsiyaya qarşı mübarizəni həyata keçirən orqanlar, korrupsiyaya qarşı mübarizənin davamlı olması, onun qarşısının alınması ilə bağlı müasir çağırışlara uyğun effektiv mexanizmlərin tətbiq edilməsinin xüsusi əhəmiyyəti, korrupsiyanın ictimai və iqtisadi həyata neqativ təsirləri, korrupsiyaya şərait yaradan amillər barədə danışılıb.
Abşeron rayon İcra Hakimiyyətinin başçısının müavini Gülnar Rəhimova, RİH-nin hüquq şöbəsinin əməkdaşı İlahə Eyvazova, o cümlədən rayon inzibati ərazi dairəsi üzrə nümayəndələr və bələdiyyə sədrlərinin iştirak etdikləri videokonfransda iştirakçıların mövzu ilə bağlı sualları cavablandırılıb.
Qeyd edək ki, “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı” üzrə Tədbirlər Planının 6.9-cu bəndinin icrası məqsədi ilə 2024-cü ildə Abşeron rayonunda bir sıra maarifləndirici görüşlər və tədbirlər keçirilib. Belə ki, bəndin icrası ilə əlaqədar Xırdalan şəhərində, eləcə də rayonun kənd və qəsəbələrində yerləşən təhsil ocaqlarında cəmiyyətdə məlumatlılığın artırılmasına yönəlmiş maarifləndirici görüşlər keçirilib, dövlət qurumlarının və bələdiyyələrin internet və sosial şəbəkə səhifələrində, o cümlədən kütləvi informasiya vasitələrində müxtəlif videoçarxlar nümayiş etdirilib, eləcə də bukletlər hazırlanaraq sakinlərə paylanılıb.
