5 mart ölkəmizdə Bədən tərbiyəsi və İdman günüdür. Bu tarix Prezident İlham Əliyevin “Bədən tərbiyəsi və idman günü”nün təsis edilməsi haqqında 4 mart 2005-ci il tarixli Sərəncamına əsasən qeyd edilir. Ölkəmizdə idmanın inkişafı isə ildən-ilə geniş vüsət alır. 2012-ci il həm də Dövlət başçımız tərəfindən “İdman ili” elan edilib. Azərbaycanda Bədən tərbiyəsi və İdman gününün martın 5-də qeyd olunması təsadüfi deyil. Məhz 1995-ci il martın 5-də Ulu Öndər Heydər Əliyev Bakı İdman Sarayında dünya və Avropa çempionatlarının qalibləri və mükafatçıları ilə görüşüb, İdman Fondunu təsis edib, bədən tərbiyəsi və idmanın inkişafında yeni strategiyanın təməlini qoyub......Prezidenti İlham Əliyevin hələ 1997-ci ildə Milli Olimpiya Komitəsinin rəhbər seçilməsindən sonra ölkəmizdə idmana, bədən tərbiyəsinə diqqət daha da artdı. Və idmanın maddi-texniki bazasının möhkəmləndirilməsi, idmançıların peşəkar səviyyədə hazırlanmasına göstərilən qayğı isə tezliklə öz müsbət nəticəsini göstərdi...
Respublikanın hər yerində olduğu kimi Abşeron rayonundada 5 mart bədən tərbiyəsi və İdman gününə həsr olunmuş idman yarışları kecirilir.Bele yarışlardan biridə "Abşeron rayonunda qızların voleybol üzrə rayon birinciliyi"dir.Mart ayının 3-dən start götürmüş yarışda rayonun 7 məktəbindən olan voleybolcu qizlardan ibarət komandası birincilik uğrunda mubarizə aparırdılar.
Yarışın nəticələrinə görə:I yerə- Xırdalan 3 saylı tam orta məktəbin komandası, II yerə-Aşağı Güzdək məktəbinin komandası, III yerə-Masazır 3 saylı tam orta məktəbin komandası layiq görülmüşdür. Qalib komandalar Abşeron rayon Gənclər və İdman İdarəsi tərəfindən mükafatlandırılmışdır.
