"Əminəm ki, bugünkü Azərbaycan gəncləri doğma
Vətənimizin dəyərli vətəndaşları olacaq, öz
professionallığını nümayiş edə biləcək
və ölkənin inkişafında öz sözlərini deyəcəklər"
İlham Əliyev,
Azərbaycan Respublikasının Prezidenti
Dövlət Proqramının 6.2.5. yarımbəndinə müvafiq olaraq məktəblilərin hərbi hazırlığının gücləndirilməsi, ordu sıralarında hərbi xidmətə hazırlığının yüksəldilməsi məqsədilə məktəblilər arasında növbəti dəfə “Şahin” hərbi-idman oyunu keçirilmişdir.
Qeyd edək ki, “Şahin” hərbi-idman oyunu Gənclər və İdman, Fövqəladə Hallar, Mədəniyyət və Turizm, Təhsil və Müdafiə Nazirliklərinin, Könüllü Hərbi Vətənpərvərlik Texniki İdman Cəmiyyəti Respublika Şurasının və Respublika Veteranlar Şurasının birgə qərarı ilə 1996-cı ildən başlayaraq orta məktəblərin X-XI sinif şagirdləri arasında keçirilir.
Abşeron rayonu Gənclər və İdman idarəsinin təşkilatçılığı ilə Təhsil və Səfərbərlik və Hərbi xidmətə Çağırış üzrə Dövlət Xidmətinin Abşeron rayon şöbəsinin birgə təsdiq etdikləri tədbirlər planına əsasən mart ayının 7-sində “Şahin” hərbi-idman oyununun rayon birinciliyi keçirilmişdir.
Tədbir Novxanı kəndi 1 saylı tam orta məktəbin hərbi-idman oyunları üçün hazırlanmış xüsusi ərazidə keçirilmişdir.Tədbirdə rayonun 33 məktəbinin komandası birincilik uğrunda mubarizə aparırdı
“Şahin” hərbi-idman oyununun keçirilməsində məqsəd böyüməkdə olan nəslin hərbi vətənpərvərlik tərbiyəsinə diqqət və qayğını artırmaq, məktəb şagirdlərini hərbi –idman oyunlarına cəlb etməklə onların ordu sıralarında xidmətə hazırlanmasına kömək göstərilməsindən ibarətdir.
Qalib komandalar hakimlər heyətinin balları hesablamalarından sonra yekun qərarına əsasən müəyyən edilir.
