Yeni Azərbaycan Partiyası Gənclər Birliyi “İdeyanı bizimlə paylaş” devizi altında may ayından başlayaraq pilot layihəyə start verib. 23-24 yanvar tarixlərində layihənin 3-cü hissəsi keçirilmişdir. Bu layihənin əsas məqsədi gənclərimizə foundrasing təlimlərinin keçirilməsi və gənclərin layihələr yazmaqla bağlı biliklərinin artırılmasından ibarətdir. Təlimləri Gənclər Birliyi Ofisinin layihələr üzrə koordinatoru Leyla Kərimova keçib. Təlimlərin birinci günüdə gənclərə layihə nədir, donor təşkilatlarla işlənmə qaydaları, ikinci gündə isə büdcə məsələləri və.s mövzular ətrafında təlimlər keçirilmişdir. Təlimin sonunda gənclər müxtəlif interaktiv oyunlar və test tapşırıqları yerinə yetrimişlər. Qeyd edək ki, test tapşırıqlarını uğurla keçən gənclərə YAP GB tərəfindən sertifikat veriləcəkdir. Eyni zamanda gənclər tərəfindən hazırlanmış real olan və kreativliyi ilə seçilən bir neçə layihə YAP Gənclər Birliyi tərəfindən həyata keçiriləcək.
