Bu gün Abşeron rayon Mədəniyyət Mərkəzinin təşkilatçılığı ilə rayon mədəniyyət mərkəzində "Mənim düşüncələrim" adlı rəsim sərgisi keçirildi.
Tədbirdə Mədəniyyət mərkəzinin Rəsim kursunun azyaşlı (8,12 yaş) şagirdləri iştirak edirdilər. Tədbiri Sumqayıt Regional Mədəniyyət və Turzm idarəsinin baş məsləhətçisi İlham Manafov açaraq bildirdi ki, 5 naminasiya üzrə 3 yeri tutan şagirdlərə fəxri diplomlar təqdim olunacaq.
Sonra musiqi nömrələri təqdim olundu. Rayon Mədəniyyət mərkəzinin rəqs kursunun şagirdlərinin, Xırdalan şəhər 11 illik Uşaq musiqi məktəbinin Saz sinifinin, Nağaraçıların ifasına tamaşa edildi.
Şagirdlərin əl işlərinə baxıldıqdan sonra seçilənlərə fəxri diplomlar təqdim olundu. Mədəniyyət mərkəzinin direktoru Nurlan Məmmədli və Rəsm kursunun rəhbəri Arzu Əliyeva tədbirdə iştirak edən şagirdlərə uğurlar arzuladı.
