Xatırladaq ki, aprelin 10-dan mayın 10-dək Azərbaycan paytaxtında ilk dəfə Ticarət festivalı - “Baku Shopping Festival” təşkil olunub.
Prezident İlham Əliyevin 2016-cı il 1 sentyabr tarixdə imzaladığı “Azərbaycan Respublikasında turizmin inkişafı ilə bağlı əlavə tədbirlər haqqında” sərəncama əsasən keçiriləcək festivalın təşkili Mədəniyyət və Turizm Nazirliyinin nəzdində fəaliyyət göstərən Azərbaycan Konqreslər Bürosuna həvalə olunmuşdur. Bakıda belə festivalların keçirilməsi sözügedən sərəncamda və ölkə Prezidentinin 2016-cı il 6 dekabr tarixli fərmanı ilə təsdiq edilən “Azərbaycan Respublikasında ixtisaslaşmış turizm sənayesinin inkişafına dair Strateji Yol Xəritəsi”ndə əksini tapıb.
“Baku Shopping Festival” Qafqazda və Orta Asiyada ilk belə təcrübə olacaq. Festivala qonşu ölkələrdə, eyni zamanda, son dövrdə Azərbaycana böyük turist axınının müşahidə olunduğu Fars körfəzi ölkələrində maraq var.
Müxtəlif dövlətlərin təcrübəsi göstərir ki, ənənəvi şopinq festivalları turizmin inkişafına, xaricdən turist axınının artmasına müsbət təsir göstərir. Dünya Turizm Təşkilatının hesabatında da ticarət festivalları nəticəsində turist axınının 30 faizədək artdığı qeyd olunur. Festival çərçivəsində əcnəbilərlə yanaşı, Azərbaycan vətəndaşları da dünya təcrübəsində bir ilk olan “Tax free” (əlavə dəyər vergisinin qaytarılması) sistemindən istifadə edə biləcəklər.
Bir ay ərzində şopinq festivalı həm xarici turistlərə, həm də yerli istehlakçılara əlverişli alış-veriş imkanı yaradacaq və müxtəlif əyləncələr təqdim edəcəkdir.
Bu gün "Baku şoppinq festivalı-2017" də Abşeron küləyi əsdi. Abşeron rayon mədəniyyət mərkəzinin və musiqi məktəblilərinin iştirakı tədbir iştirakçılarının alqışları ilə qarşılandı. Tədbirdə ABşeron rayon ictimayyətinin nümayəndələri iştirak edirdi. Sizlərə Abşeron informasiya agentliyi olaraq Sizlərə fotoları təqdim edirik.
[center]
