Sumqayıt Dövlət Universitetində Azərbaycan Respublikasının Prezidenti yanında Gənclər Fondunun Maliyyə dəstəyi ilə “Təkan” Tələbə Gənclərin İctimai Birliyinin “Yeniyetmə və gənclər arasında sosial-psixoloji maarifləndirmə tədbirləri” adlı layihəsinin təqdimatı keçirilmişdir. Tədbirdə Universitetin YAP GB-nin sədri və “Təkan” TGİB-nin Turizm departamentinin sədri Aysel Məmmədova , “Təkan” TGİB-nin sədr müavini Xalid Ağayev, PR Meneceri Cavidan Heyderov və “Təkan” TGİB-nin YAP departamentinin sədri Nigar Səfərova çıxış edərək lahiyənin əhəmiyyətindən danışdılar. Daha sonra isə Azərbaycan Respublikasının Prezidenti yanında Gənclər Fondunun Maliyyə dəstəyi ilə “Təkan” TGİB tərəfindən çap edilən “Özünəqəsdin sosial-psixoloji amilləri” adlı layihə haqqında pisixoloq İbrahim İbrahimov geniş təqdimat edərək təlimlər keçdi. Təlimin sonunda tələbələrə “Özünəqəsdin sosial-psixoloji amilləri” adlı kitab paylanıldı. Məlumat üçün qeyd edək ki, lahiyənin təqdimatı və təlimlər bir sıra məktəblərdə və regionlarda da keçiriləcəkdir. Nəzərinizə çatdıraq ki , gələn həftədən etibarən bu layihənin təqdimatı Bakı və Sumqayıt şəhərləri ilə yanaşı bir sıra regionlarda da davam edəcəkdir.