Xalqımızın milli adət-ənənələrinə sadiq qalan Fatmayi kəndində Novruz şənliyi özünəməxsus şəkildə keçirildi.
Tədbir Kosa və Keçəlin iştirakı ilə fayton və çaparların kənd məktəbinin qarşısına gəlməsi ilə başladı. Fərqli və özünəməxsus keçən bayram şənliyinə böyükdən-kiçiyə hamı, bütün kənd sakinləri qatılımışdı. Masalara qoyulan şirniyyatlar, səmənilər, həmçinin kənarda qaynayan samovar bayram əhval-ruhiyyəsini daha da artırırdı. Şənlikdə ən çox sevinənlər isə uşaqlar idi.
İdmancıların,Pəhlavanların və kəndirbazların göstərdiyi maraqlı səhnələr hərkəsin ürəyincə oldu.Şənlik novruz tonqalı yandırıldıqdan sonra kəndin musiqi məktəbinin balaca fidanlarının tonqalın ətrafında göz oxşayan rəqsləri ilə bitdi
