Xırdalanın və Gürcüstanın musiqi məktəbləri birgə konsert proqramı təqdim ediblər

Abşeron rayon Xırdalan şəhər 11 illik Musiqi Məktəbi,Mədəniyyət Mərkəzi və Gürcüstan Respublikası Kutaisi,Qori və Zestafoni şəhər Musiqi məktəbləri,Mədəniyyət Mərkəzləri musiqi kollektivlərinin layihəsi əsasında ümummilli liser Heydər Əliyevin anadan olmasının 96-cı ildönümünə həsr edilən konsert proqramı nümayiş edilib.

Tədbirdə Xırdalan şəhər 11 illik musiqi məktəbinin direktoru,əməkdar müəllim İkram Manafov bildirib ki, ümummilli lider Heydər Əliyev mədəniyyəti xalqın böyük sərvəti hesab edirdi. Mədəniyyətimizin elə bir sahəsi yoxdur ki, ulu öndər Heydər Əliyevin qayğısından bəhrələnməsin. Musiqimiz, teatrımız, kino sənətimiz, heykəltəraşlıq və rəssamlığımız, xalça sənətimiz və s. bugünkü inkişafı üçün ulu öndərimizə borcludur.Azərbaycan müstəqillik qazandıqdan sonra mədəniyyət sahəsində bir müddət çətinliklər yaranmış, dahi şəxsiyyət Heydər Əliyevin hakimiyyətə yenidən qayıdışından sonra milli mədəniyyətimizin tərəqqisinə şərait yaradılıb.Dahi şəxsiyyət Heydər Əliyevin mədəniyyət siyasəti bu gün Prezident İlham Əliyev tərəfindən uğurla davam etdirilir. Azərbaycanda mədəniyyətin müxtəlif sahələri – teatr, kino, kitabxana və muzey işinin inkişafı ilə bağlı qəbul olunan Dövlət Proqramları ölkəmizdə mədəniyyətin tərəqqisinə yeni stimul yaradıb.Bütün bunlar isə xalqımızın zəngin mədəni irsini qoruyub saxlamaq məqsədi daşıyır.

Gürcüstan Respublikasının İncəsənət İttifaqının üzvü Maka Trapaidze qeyd edib ki, iki dövlət arasında tarixi köklərə bağlanan əlaqələr bu gün də yüksək səviyyədə,hər bir sahədə davam etdirilir.

Konsert proqramında qədim Gürcü rəqsi “Raça” və “Svaneti haqqında mahnılar” vokal instrumental kompozisiyası ifa edilib.Qara Qarayevin” ildırmlı yollarla” baletindən rəqs,Tofiq Quliyevin “Qaytağı” əsəri,Qarabağ şikəstəsi tamaşaçılar tərəfindən maraqla izlənilib.Qori şəhər Mədəniyyət Mərkəzinin “Fantaziya” vikal-xoreqrafiya ansamblı,Zestafoni şəhər Revaza Laqidze adına Musiqi Məktəbinin qızlar xorunun nömrələri ,hər iki ölkənin xalq çalğı alətləri orkestrinin ifaları alqışlarla qarşılanıb.