Azərbaycan xalqını bayram münasibəti ilə təbrik edir, Azərbaycanın Dağlıq Qarabağ münaqişəsinin tezliklə həll olunmasını arzulayıram.
Bakı Kitab Mərkəzində kitabının təqdimatının keçirilməsindən danışan K.Kormeri, paytaxtımızın gözəlliyindən söz açıb. Qeyd edib ki, Bakıda müasir binaları heyranlıqla seyr edib.
Bakı Kitab Mərkəzinin konsepsiyasını, onun zövqlə dizayn edilməsini çox bəyəndiyini deyən K.Kormeri, Bakıda olduğu müddətdə Heydər Əliyev Fondunun rəhbərliyi ilə görüşdüyünü də qeyd edib:
“Bakının gözəlliyini gördükdən sonra bu şəhər ilə bağlı nəfis kitab hazırlamaq qərarına gəldim. Ancaq ölkənin əyalətlərindəki gözəlliyi də təqdim etmək lazımdır. Buna görə bir neçə nəfis tərtibatlı kitab hazırlamaq üçün layihələrim var. Bakıda Xalça Muzeyi diqqətimi daha çox cəlb etdi. Bu muzeylə də bağlı nəfis kitab layihəm var. Səfərim çərçivəsində zəngin milli qastranomiya ilə də tanış oldum. Azərbaycanda məhsullarının xüsusi dadı var. Luvr muzeyində İslam departamentinin yaradılmasında da Azərbaycanın xüsusi yeri var. Ölkədə incəsənətə böyük diqqət ayrıldığı aydın görünür”.
