Abşeron rayon Xırdalan şəhər 11 illik musiqi məktəbində “Balaca virtuoz” adlı I etüd müsabiqəsi keçirilib.
Məktəbin direktoru, Əməkdar müəllim İkram Manafov bildirib ki, müsabiqə Sumqayıt Regional Mədəniyyət İdarəsinin dəstəyi ilə reallaşıb.
Məktəbin fortepiano ixtisası üzrə müəllimi Arzu Manafovanın təşəbbüsü ilə təşkil olunan məktəbdaxili müsabiqə fortepiano şöbəsində təhsil alan şagirdlər arasında keçirilib. Müsabiqənin keçirilməsində məqsəd şagirdlərin texniki cəhətdən ifaçılıq bacarıqlarını üzə çıxarmaq və inkişaf etdirməkdir.
İkram Manafov bildirib ki, belə daxili müsabiqələr gələcəkdə şagirdlərin daha böyük müsabiqələrə hazırlıqlarına, həmçinin rəqabətin yaranmasına təkan verməklə yanaşı, məktəblərin də işində ciddi dönüşə səbəb ola bilər.
