Azərbaycan Respublikası Prezidentinin 2022-ci il 4 aprel tarixli Sərəncamı ilə təsdiq edilmiş “Korrupsiyaya qarşı mübarizənin gücləndirilməsinə dair 2022─2026-cı illər üçün Milli Fəaliyyət Planı”na uyğun olaraq Abşeron Rayon İcra Hakimiyyətində vətəndaş cəmiyyəti institutları ilə növbəti görüş keçirilib.
Abşeron rayon İcra Hakimiyyətinin ərazi idarəetmə və yerli özünüidarəetmə orqanları ilə iş şöbəsinin şöbə müdiri Azər Məmmədov çıxışında vətəndaş məmur münasibətləri, insan haqları müdafisəi və korrupsiya hüquqpozmalarının qarşısının alınmasında dövlət qulluqçularının rolu ilə bağlı məlumat verib. O, qeyd edib ki, korrupsiyaya qarşı mübarizədə birgə səylər olduqca vacibdir. Korrupsiyaya qarşı mübarizədə uğurlu nəticələr əldə etmək üçün yalnız dövlət qurumlarının səyləri kifayət edə bilməz. Cəmiyyət, ictimayyət də bu məsələdə fəal, təşəbbüskar olmallıdır. Bu tədbiri də bu istiqamətdə təşəbbüslərdən biri kimi dəyərləndirmək olar.
Abşeron Rayon İcra Hakimiyyəti yanında İctimai şuranın sədri, “Polisə Dəstək”ictimai birliyinin üzvi Elçin Quliyev, "Vəfa" Sosial Problemlərin Həllinə Dəstək İctimai Birliyin sədri Fatma Hacıyeva, " Vəkillər Kollegiyası" nın üzvü Vamik Şükürov, Lider TV " Çıxış Yolu" verilişinin aparıcısı, jurnalist Nuranə Axundova, Millixəbər.az İnformasiya portalı baş redaktor, Zamin Zeynalov və digərləri korrupsiyaya qarşı mübarizədə və ictimai nəzarətin gücləndirilməsində QHT-lərin rolunu vurğulayıb, onların fəallıqlarının artırlılmasının vacibliyini qeyd ediblər. Onlar QHT-lərin media ilə əlaqəli işləməsinin vacibliyini diqqətə çatdırıblar.
Görüşdə vətəndaş cəmiyyəti institutları rəhbərləri rəy və təkliflərini ifadə edib, fikir mübadiləsi aparılıb. Korrupsiyaya qarşı mübarizədə, şəfaflığın, ictimai nəzarətin təmin olunması işlərində QHT-lərlə gələcək əməkdaşlıq müzakirə olunub.
