Abşeron Rayon Mərkəzi Xəstəxanasında “Övladını peyvəndə gətir, sağlam gələcəyə ötür” adlı tədbir keçirilib. Abşeron Rayon İcra Hakimiyyətinin və Abşeron Rayon Gigiyena və Epidemiologiya Mərkəzinin (GEM) dəstəyi ilə reallaşan tədbir “Avropa İmmunlaşdırma Həftəsi” çərçivəsi təşkil edilib.
Abşeron Rayon Mərkəzi Xəstəxanasının direktoru Azər İsmayılov, Abşeron Rayon İcra Hakimiyyəti başçısının müavini Gülnar Rəhimova, Rayon GEM-nin direktoru Müslümə Cəfərova və digərləri uşaqlıq dövründə peyvəndləmənin vaxtı-vaxtında aparılmasının vacibliyindən danışıblar. İmmunizasiyanın ölümcül xəstəliklərə qarşı bədəndə yaratdığı müdafiə sistemindən, düzgün şəkildə aparılan maarifləndirmə tədbirləri nəticəsində cəmiyyətdə mövcud olan yüksək dərəcəli infeksion xəstəliklərin qarşısının alınmasının mümkün olduğu vurğulanıb. Sağlam gələcək naminə valideynlərin peyvəndləmə cədvəlinə uyğun olaraq övladlarını vaksin etdirməyin əhəmiyyətinin böyüklüyü diqqətə çatdırılıb.
Sonda iştirakçılara məlumatlandırıcı bukletlər paylanılıb.
