Xırdalan şəhər 17 saylı körpələr evi-uşaq bağçası fəaliyyətdə olduğu illər ərzində minlərlə uşaq bu bağçada tərbiyə almışdır. Bu il bağçanın Azərbaycan və Rus bölməsinin məktəbəhazırlıq qruplarından 70 uşaq məktəbə yola salınacaq.
Xırdalan şəhər 17 saylı körpələr evi-uşaq bağçasında "Əlvida bağça, salam məktəb!” adlı buraxılış tədbiri keçirib. Bayram şənliyində balaca fidanlar Azərbaycan və Rus dillərində vətənə, müəllimə, ana dilimizə, təbiətə, sülhə həsr edilən şeirlər söyləyiblər. Tədbirdə həmçinin uşaqların iştirakı ilə hazırlanmış xarici rəqslər nümayiş etdirilib. "Anam mehribanım Azərbaycanım”, "Biz məktəbə hazırıq” və s. kimi mahnıların ifası tədbiri daha da maraqlı edib.
Uşaqları məktəbə getmələri münasibəti ilə təbrik edən Abşeron rayon İcra Hakimiyyətinin əməkdaşı Seymur Qasımov, onlara gələcək həyatda müvəffəqiyyətlər və ölkəmiz üçün layiqli övlad olmalarını arzulayıb. S.Qasımov rayon rəhbəri İradə Gülməmmədovanın məktəbəqədər təhsilə göstərdiyi qayğı nəticəsində əldə edilən nailiyyətlərdən, körpə fidanların hərtərəfli inkişafı ilə əlaqədar həyata keçirilən uğurlu layihələrdən bəhs, bağçanın pedaqoji kollektivinə uğurlar arzulayıb
Məktəbəhazırlıq qrupunun uşaqlarını, onların valideynlərini və tərbiyəçilərini məzun günü münasibətilə təbrik edən bağçanın müdirəsi Könül İbrahimova, bağçada uşaqlar üçün yaradılan şəraitə görə rayon rəhbəri İradə Gülməmmədovaya minnətdarlığını ifadə edib. K.İbrahimova qürur hissi ilə bağçanın qazandığı uğurlardan da danışıb.Bağçanın fəaliyyətində müəllim kollektivinin əməyinin xüsusi olduğunu vurğulayıb.
Çıxışlardan sonra uşaqlar müəllimlərinə hazırladıqları şeir parçalarını ifa ediblər.
Digər çıxış edənlər uşaqları məktəbə getmələri münasibəti ilə təbrik edib, onlara gələcək həyatda müvəffəqiyyətlər və ölkəmiz üçün layiqli övlad olmalarını arzulayıb.
Tədbirin sonunda 17 saylı körpələr evi uşaq bağçasında təhsil aldığı müddətdə təlimdə qazandığı uğurlara və qrupun tədbirlərində göstərdiyi fəallığa görə balaca fidanlar tərifnamə və bir necə tərbiyəçi müəllimlər isə bağçanın ictimai həyatında səmərəli fəaliyyətinə görə Fərqlənmə Diplomu ilə təltif olunublar.
