Unudulmaz günlərdən biri qayğısız uşaqliq çağı ilə son görüş, doğma bağça ilə vida günüdür.Novxanı kənd 28 saylı Körpələr evi-uşaq bağçasındada keçirilən tədbir məhz bu günə həsr olundu. Tədbirdə balaca fidanlar müəllimə,ana dilimizə,sülhə həsr edilən şerlər söylədilər.Müxtəlif səhnələşdirilən nömrələr,rəqs və mahnılar tədbir iştirakçılarının alqışları ilə qarşılandı. "Əlvida bağça,salam məktəb"adlı tədbirdə çıxış edən sözü gedən uşaq bağçasının müdiri Səfa İbrahimova əvvəlcə gələn qonaqları salamladı. Uşaqları məktəbə getmələri münasibətilə təbrik edib,onlara gələcək həyatlarında müvəffəqiyyətlər arzuladı. Daha sonra Abşeron rayon İcra Hakimiyyətinin əməkdaşı Samirə İsmayılzadə uşaqları məktəbə getmələri münasibətilə təbrik etdi, və onlara ölkəmiz üçün layiqli vətəndaş olmalarını dilədi. Samirə İsmayılzadə rayon rəhbəri İradə Gülməmmədovanın məktəbəqədər təhsilə göstərdiyi qayğı nəticəsində əldə edilən nailiyyətlərdən, körpə fidanların hərtərəfli inkişafı ilə əlaqədar həyata keçirilən uğurlu layihələrdən bəhs etdi.Təbriklərə valideynlərdə qoşularaq bu illər ərzində övladlarına həm ana həm müəllim olan tərbiyəçilərə xoş arzularını ifadə etdilər. Bayram tədbirində 2018-2019-cu tədris ilində təlimdə qazandığı uğurlara və qrup tədbirlərində göstərdiyi fəallığa görə uşaqlar təşəkkürnamə və diplomlarla təltif olundular.Tədbirin sonunda balaca fidanlara fotolarından ibarət məzun albomu və hədiyyələr təqdim edildi.
