Azərbaycan Respublikasınındövlət himninin səsləndirilməsi ilə başlayan tədbirdə məktəbin direktoru Ədalət Camalova çıxış edərək bütün müəllimləri peşə bayramı münasibətilə təbrik edib, müəllim adının ucalığından, məsuliyyətindən, müqəddəsliyindən danışıb. Azərbaycan cəmiyyətinin, cəmiyyətdə hər bir fərdin inkişafında fədakar müəllim əməyinin əvəzsiz rolu olduğu xüsusi diqqətə çatdırıb. Ulu öndər Heydər Əliyevin Azərbaycan təhsilinin formalaşmasında verdiyi töhfələr, Azərbaycan Respublikasının Prezidenti cənab İlham Əliyevin təhsil sahəsinin inkişafına göstərdiyi diqqət və qayğıdan bəhs olunub. Azərbaycan Respublikasının Birinci vitse-prezidenti Mehriban Əliyevanın dəstəyi ilə Azərbaycanın təhsil həyatında baş verən yeniliklər, Təhsil Nazirliyi tərəfindən həyata keçirilən uğurlu təhsil islahatları və rayon rəhbəri İradə Gülməmmədova tərəfindən təhsil sahəsinə göstərilən qayğı haqqında məlumat verib.
Bayram tədbirində məktəbin şagirdləri müəllimlər üçün hazırladıqları şeir və mahnıları səsləndiriblər. Şagirdlər ən səmimi arzu və diləklərini Azərbaycan və rus dillərində hazırladıqları şeir , mahnı və musiqi kompoziyaları ilə çatdırıblar. Müəllimlərinin qayğı və fədakarlığını daim hiss etdiklərini dilə gətirən şagirdlər onlara öz bilik və savadları ilə layiq olacaqlarını ifadə ediblər.
