Xırdalan şəhər 3 nömrəli tam orta məktəbdə yeniyetmə və gənclərin hərbi vətənpərvərlik ruhunda tərbiyə olunması məqsədilə veteran və ehtiyatda olan hərbiçilərlə görüş keçirilib. Tədbirdə Abşeron RİH-nin əməkdaşları, QHT nümayəndələri, müharibə veteranları, məktəbin pedaqoji və şagird kollektivi iştirak edib.
Şagirdlərlə görüşə gələn qonaqlar məktəbin adını daşıdığı şəhid Bəxtiyar Cəfərovun büstünün qarşısına gül dəstələri qoyub, ruhuna hörmət və ehtiramlarını bildiriblər.
Daha sonra qonaqlar məktəbdə hərbi dərslərin keçirildiyi sinfə baxış keçiriblər. Tədbir Dövlət himnin səslənməsi ilə açıq elan edilib. Azərbaycanın ərazi bütövlüyü uğrunda qəhrəmancasına döyüşərək şəhid olan hərbçilərimizin xatirəsinin bir dəqiqəlik sükutla yad edilib.
Görüşdə Azərbaycan Silahlı Qüvvələri və onun qoşun növlərinin təlimi ilə bağlı videoçarx nümayiş etdirilib.
Daha sonra Azərbaycan Respublikası Prezidenti yanında Qeyri-Hökümət Təşkilatlarına Dövlət Dəstəyi Şurasının üzvü, “Hərbi And” qəzetinin baş redaktoru Emin Həsənli, Azərbaycan Respublikası Silahlı Qüvvələrinin Ehtiyatda olan Zabitlərin Konfederasiyasının sədri ehtiyatda olan general mayor Məmmədhüseyn Sarıyev, sədr müavini ehtiyatda olan polkovnik Həsən Əmirov, Azərbaycan Dövlət Bədən Tərbiyəsi və İdman Akademiyasının hərbi təhsil üzrə məsləhətçisi Ceyhun Məmmədyarov, ehtiyatda olan zabitlər birliyinin Abşeron rayon şöbəsinin sədri polkovnik leytinant Fazil Əhmədov, Azərbaycan Qarabağ müharibəsi əlilləri və veteranları, şəhid ailələrinin ictimai birliyi Abşeron filialının sədri Xudakərim Əhmədov, Abşeron rayon Mübarizlər təşkilatınınn sədri Əbil Quliyev və digər qonaqlar çıxış ediblər. Diqqətə çatdırılıb ki, son illər dövlərimiz qarşısında duran bir sıra problemlərin həlli gənclərin milli vətənpərvərlik ruhunda tərbiyə edilməsindən, onlarda yüksək dövlərçilik şüurunun, mənsub olduğu dövlətə və millətə qarşı milli qurur hisslərini formalaşmasından çox asılıdır.
Məktəbin direktoru Sevinc Məmmədəliyeva qonaqlara məktəb kollektivi adından təşəkkür edib. Bildirib ki, bu cür görüşlər gənc nəslin təlim-tərbiyəsində və layiqli vətəndaş kimi yetişməsində böyük rol oynadığı üçün bundan sonra da mütamadi olaraq keçiriləcək.
Sonda ehtiyatda olan hərbiçilər şagirdləri maraqlandıran sualları cavablandırıblar.