FHN Sumqayıt Regional Mərkəzinin və rayon Təhsil Şöbəsinin birgə təşkilatçılığı ilə Abşeron rayonunun Uşaq Gənclər İnkişaf Mərkəzində rayon məktəblilərinin “Fövqəladə hallar uşaqların gözü ilə” IX respublika uşaq yaradıcılıq müsabiqəsinə hazırladığı işlərə baxış keçirilib.
Tədbirdə Abşeron rayon Təhsil Şöbəsinin müdiri Nazilə Məmmədova , Uşaq Gənclər İnkişaf Mərkəzinin direktoru Aytən Rüstəmova, FHN Sumqayıt Regional Mərkəzin Maarifləndirmə şöbəsinin müdiri Emin Ramazanov, Abşeron rayon Ağsaqqallar Şurasının sədri Nadir Ağayev və orta məktəblərin müəllimləri, münsiflər heyyəti iştirak edib.
Münsiflər heyyətinin iştirakı ilə müsabiqəyə təqdim olunmuş 300-ə yaxın işlərin içərisindən ən yaxşıları seçilərək “Fövqəladə hallar uşaqların gözü ilə” uşaq yaradıcılıq müsabiqəsinə göndərilib.
Tədbirin keçirilməsində məqsəd Fövqəladə Hallar və Təhsil nazirlikləri tərəfindən istedadlı uşaqların üzə çıxarılması, onlara dəstək göstərilməsi, uşaqlara təhlükəsiz həyat fəaliyyətinin öyrədilməsi, yetişməkdə olan gənc nəslin vətənpərvərlik ruhunda tərbiyə edilməsi, uşaqlar və gənclər arasında fövqəladə hal problemlərinə ictimaiyyətin diqqətini yönəltməkdir.
Müsabiqədə rayonun 40 məktəbinin istedadlı şagirdləri rəsmlər, plakatlar, əl işləri, yanğın qəza-xilasetmə texnikasının modelləri və yumşaq oyuncaqlar təqdim ediblər.
