Abşeron rayon, Xırdalan şəhər 26 saylı körpələr evi-uşaq bağçasının məktəbəhazırlıq qrupunda Savad təlimi üzrə açıq məşğələ və bağçanın 3 yaşı keçirilib.
Savad təlimi üzrə məşğələni tərbiyəçi Aygün Mehribani tədris edib. Savad təlimi məşğələsində “«R» səsi və r hərfi” tədris edilib. Məşğələdə uşaqlar tanış olduqları hərflər üzrə tapşırıqlar icra edərək biliklərini nümayiş etdirdilər. Tədqiqatı aparmaq üçün qruplarla iş aparılıb. Körpə fidanlar qruplara bölünüb, qrup daxilində lider seçiblər. Qruplara tapşırıq və iş vərəqləri paylanılıb. Təlimdə həmçinin mövzunun öyrənilməsi üçün motivasiya qurulub, uşaqlara qrup işində “R ” necə tələffüz edilir?, “R ” səsi sözün hansı hissəsində işlənilir?, “R ” səsinin hansı xüsusiyyətləri var?, “R ” səsi necə səsdir?, tərkibində “R” səsi olan sözlərin tapıb şəkillərini çəkilməsi üçün düşündürücü suallar verilib.
Qruplar öz işlərini təqdim etdikdən sonra tərbiyəçi müəllim tərəfindən onların işi müzakirə olunub.
Məşğələdə həmçinin körpə fidanlar hərbi-vətənpərvərlik mövzusunda şeirlər oxuyub, mahnılar səsləndirib və bağçanın 3 yaşına xüsusi hazırlanmış hədiyyələr əldə ediblər .
İstiadəyə verilməsinin 3 illiyi münasibətilə bağça kollektivini və məşğələ iştirakçılarını təbrik edən məktəbəqədər təhsil müəssisəsinin müdiri Nigar Səfərova qeyd edib ki, Son illər Abşeron rayonunda onlarla bağçanın, uşaq evlərinin tikilməsi bir çoxunun isə yenidən bərpası Abşeronda uşaqlara göstərilən diqqət və qayğının mühüm tərkib hissəsi olmaqla yanaşı həm də Azərbaycan gələcəyinin daha etibarlı təminatına geniş imkanlar açır. Fəaliyyətlərinin hər anında rayon icra hakimiyyətinin başçısı İradə Gülməmmədovanın diqqət və qayğısını gördüklərini önə çəkən bağça müdiri həmçinin bağçanın təcrübəli pedaqoji kollektivinin olduğunu, tərbiyəçilərin səylə çalışdığını, körpə fidanların təhsilində, dünyagörüşünün formalaşmasında əvəzsiz xidmətlər göstərdiyini qeyd edib.
