Abşeron rayonunda Ulu Öndər Heydər Əliyevin anım günü ilə əlaqədar keçirilən silsilə tədbirlərin davamı olaraq Xırdalan şəhər 15 saylı körpələr evi-uşaq bağçasında da Ümummilli lider Heydər Əliyevin anım tədbiri keçirilib.
Tədbir əvvəlcə Ümummilli liderin xatirəsinin bir dəqiqəlik sükütla yad edilməsi ilə başlanılıb.
Anım mərasimini giriş sözü ilə açan bağçanın müdiri Mətanət Novruzova, ümummilli lider Heydər Əliyevin müdrik siyasətə, dönməz əqidəyə və tarixi uzaqgörənliyə malik şəxsiyyət kimi müasir Azərbaycan dövlətinin qurulması istiqamətində atdığı addımlardan bəhs edib.
M.Novruzova həmçinin ulu öndərin elm, təhsil, mədəniyyət sahələrinin inkişafında göstərdiyi əvəzolunmaz xidmətlərdən, onun rəhbərliyi ilə gerçəkləşən genişmiqyaslı quruculuq proqramlarından danışıb.
Daha sonra anım tədbirində Ümummilli lider Heydər Əliyevin mənalı ömür yolunu və zəngin elmi yaradıcılığını əks etdirən videoçarx və bağça uşaqlarının hazırladıqları ədəbi-bədii kompozisiya nümayiş etdirilib.
