Gənclərdə ətraf mühitə sevgi və qayğı hisslərinin yüksəldilməsi məqsədilə Xırdalan şəhərindəki Heydər Əliyev adına mədəniyyət və istirahət parkında “Quşlar evsiz qalmasın” adlı yeni ekoloji layihə həyata keçirilib.Tədbirdə Abşeron rayon, Qobu qəsəbə 3 nömrəli tam orta məktəbin şagird və müəllim kolektivinin iştirakı ilə hazırlanan quş yuvaları və yem qabları istirahət parkı ərazisində ağaclara asılıb, yem qablarına dən tökülüb. Həmçinin gənclərə süni quş yuvalarının hazırlanması haqqında bukletlər paylanılıb. Yem qabları mütəmadi olaraq gənclər tərəfindən yoxlanılacaq, boş yem qabları isə doldurulacaq.
Layihənin məqsədi ətraf mühitin mühafizəsi ilə bağlı təbliğat işinin gücləndirilməsi, bu işdə gənclərin yaxından iştirakının təmin edilməsi, Abşeron rayonu ərazisində yerləşən parklar və bağlarda quşların qış aylarında sığınacaq və yemlə təmin olunmasıdır.
