Qəddarlığına görə bəşər tarixinə qanlı iz salan, təkcə Azərbaycan xalqına deyil, bütün insanlığa qarşı yönələn ən ağır cinayətlərdən biri olan Xocalı soyqrımından 28 il ötür. Dünyanın hər yerində Xocalı soyqrım qurbanları dərin ehtiramla anılır. Abşeron rayonunun tədbirlər planına əsasən Novxanı kənd 28 saylı körpələr evi- uşaq bağçasında da "Xocalı qan yaddaşımızdır" adlı açıq məşğələ keçirildi. Məşğələdə Abşeron rayon İcra Hakimiyyətinin əməkdaşları, məktəbəqədər tərbiyə müəssisələrinin rəhbərləri və bağçanın pedaqoji kollektivi iştirak etdi.
Məşğələni bağçanın tərbiyəçi-müəllimi Şahnaz Əliyeva tədris etdi. Şahnaz Əliyeva uşaqlara Xocalı soyqrımı haqqında danışaraq, onlara bu acı faciəni xalqımıza yaşadan düşmənlərimizə qarşı nifrət hissi aşıladı. Qarabağın Azərbaycanın ayrılmaz tərkib hissəsinin olduğunu vurğulayan tərbiyəçi-müəllim Qarabağın əsrarəngiz gözəllikləri haqqında uşaqlara danışdı. Məşğələ zamanı uşaqlar vətənpərvərlik mövzusunda öyrəndikləri şerləri nümayiş etdirdilər.
Məşğələdə iştirak edənlər məşğələ haqqında öz fikrlərini bildirdilər. İlk öncə çıxış edən sözügedən bağçanın müdiri Səfa İbrahimova vətənpərvərlik mövzusunda təşkil edilən məşğələlərin əhəmiyyətindən danışaraq məşğələnin uğurlu keçdiyini bildirdi. O, uşaqlara fəal iştirakına görə öz təşəkkürünü bildirdi.
Çıxış edənlər bildiriblər ki, vətənə sevgi hissinin uşaqlara kiçik yaşlarından aşılanmasının çox vacib olduğunu qeyd edərək bu işdə pedoqoji kollektivin əməyini xüsusi qeyd etdi.Çıxış edən məktəbəqədər tərbiyə müəssisə rəhbərləri məşğələnin uğurlu keçdiyini qeyd etdilər. Onlar pedoqoji kollektivə uğurlar arzuladılar.
Sonda məşğələdə fəal iştiraklarına görə uşaqlara dövlət rəmzimiz olan gerb döş nişanları təqdim olundu.